राजा केणी यांनी पत्रकारांना दिली माहिती
अलिबाग रायगड:तालुक्यातील शहापूर धेरंड येथे एका खाजगी कंपनीचा येऊ घातलेल्या प्रकल्पा साठी अद्याप भूसंपादन प्रक्रिया पूर्ण झाली नसताना पाईप लाइन टाकण्यासाठी ३५६ कोटीच्या निविदा काढण्यात आल्या.ज्या शेतकऱ्यांच्या जमिनीतून जल वाहिन्या टाकण्यात येणार त्या शेतकऱ्यांना विश्वासात घेतले नाही त्यामुळे शेतकरी संघटना खारेपाट या संस्थेचे अध्यक्ष आणि शिवसेनेचे रायगड जिल्हा प्रमुख राजा केणी आणि संघटनेच्या पदाधिकारी यांनी अलिबाग येथील एम आय डी सी चे कार्यकारी अभियंता श्री ननावरे यांची भेट घेऊन निविदा रद्द करा, कुसुंबळे ग्रामपंचायत हद्दीतील 28 गावांना फिल्टर पाणी देण्यासाठी पाईप लाईन टाकण्यात यावी या प्रमुख मागण्यांसह इतर मागण्यासाठी निवेदन दिले होते.
मागणीचा सकारात्मक विचार न झाल्यास 15 मे रोजी जन आक्रोश मोर्चा काढण्याचा इशारा दिला होता. कार्यकारी अभियंता ननावरे यांनीराजा केणी यांच्या मागण्याचा सकारात्मक विचार करून त्यांच्या प्रमुख मागण्या मान्य केल्याने 15 मे रोजी काढण्यात येणारा मोर्चा स्थगित करण्यात आला असल्याचे राजा केणी यांनी सांगितले. या वेळी संघटनेचे इतर पदाधिकारी उपस्थित होते.
