गुरुमाऊली कृष्णात महाराज ढोणे यांची प्रमुख उपस्थिती….
लोणावळा मावळ लोणावळा पांगोळी धनगरवस्ती येथे असलेल्या श्रीसंत बाळू मामा मंदिरात बाळू मामा देवाचा उत्सव सोहळा काल पार पडला असून या सोहळ्याला महाराष्ट्रातून असंख्य भाविक भक्तांनी उपस्थित राहून मामांचे दर्शन घेतले, या उत्सवाला बाळू मामांचे शिष्य भाकनुककार गुरुमाऊली कृष्णात महाराज ढोणे यांची प्रमुख उपस्थिती असून त्यांनी मामांची भाकनूक सांगितली,
पुणे आणि रायगड जिल्ह्याच्या मध्यवर्ती ठिकाणी लोणावळा पांगोळी धनगरवस्ती येथे गेल्या अनेक वर्षांपासून श्रीसंत बाळू मामा देवाचे मंदीर भव्यदिव्य आहे, दररोज या ठिकाणी असंख्य भाविक भक्त येत असतात मात्र दरवर्षी हनुमान जयंतीला येथे मोठा उत्सव सोहळा याठिकाणी पार पडतो त्याचप्रमाणे यावर्षीही दोन दिवस उत्सव पार पडला असून आज सकाळ पासूनच उत्सवाला सुरुवात झाली सायंकाळी 5 वाजता श्रींची भव्य मिरवणूक ढोल ताशांच्या गजरात वाजत गाजत काढण्यात आली नंतर गुरुमाऊली कृष्णात महाराज ढोणे यांचे यांची भाकनूकीचा कार्यक्रम पार पडला , रात्री मामांची महाआरती झाल्यावर प्रसादाने कार्यक्रमाची सांगता झाली, काल किर्तनकार हभप निकिताताई सुळ यांचे कीर्तन होऊन महिलांसाठीही खेळ रंगला पैठणीचाही कार्यक्रम पार पडला,
यावेळी महाराष्ट्रातून असंख्य भाविक उपस्थित राहिले होते त्या सर्व भाविक भक्तांची यथोचित सोय श्रीसंत बाळू मामा देवस्थान ट्रस्ट आणि बाळू मामा उत्सव कमिटीसह ग्रामस्थानी केली होती,
