रायगडच्या  तेजा सकपाळ, समीर हिरवे यांची महाराष्ट्र बीच कबड्डी संघात निवड


अलिबाग रायगड: गुजरातमधील दिव येथे होणाऱ्या खेलो इंडिया बीच गेम्स साठी महाराष्ट्राचे पुरुष व महिला कबड्‌डी संघ जाहीर करण्यात आले आहेत. महाराष्ट्राच्या पुरुष संघात रायगडचा समीर हिरवे याची तर महिला संघात  रायगडची तेजा सकाळ हीची निवड करण्यात आली आहे.
केंद्र सरकारच्या मान्यतेने खेलो इंडिया बीच गेम्सचे गुजरातमधील दिव येथे आयोजन  करण्यात आले आहे. या  बीच गेम्समध्ये बीच कबड्डीचा समावेश करण्यात आला आहे.  बीच कबड्डी स्पर्धेसाठी महाराष्ट्राचे पुरुष व महिला संघ निवडण्याकरिता अलिबाग तालुक्यातील वरसोली  येथे सराव शिबीर व निवड चाचणी घेण्यात आली . यातून महाराष्ट्राचे संघ निवडण्यात आले.

रायगडचा  समिरे हिरवे याची  पुरुष संघात निवड करण्यात आली.  तेजा सकपाळ हिची महाराष्ट्राच्या महिला संघात निवड करण्यात आली. समिर हिरवे अलिबाग तालुक्यातील  धेरंड येथील जय हनुमान संघाचा खेळाडू आहे. तेजा सकपाळचा कर्नाळा स्पोर्ट्स, पनवेल  संघातून खेळते.