अलिबाग रायगड : रायगड जिल्हा खो-खो असोसिशनतर्फे जिल्हास्तरीय खो – खो पंच परीक्षा घेण्यात येणार आहे. रविवारी (दि. २५) सुषमा पाटील विद्यालय व ज्यूनियर कॉलेज , सेक्टर ११, कामोठे, पनवेल येथे ही परीक्षा घेणार आहे.
सकळी १० ते दुपारी १२ व या कालावधीत १०० गुणांची लेखी परीक्षा होईल. त्यानंतर ५० गुणांची मौखिक व ५० गुणांची प्रात्यक्षिक अशी एकूण २०० गुणांची ही परीक्षा असेल.
रायगड जिल्ह्यातील रहिवासी असलेली १८ वर्षांवरील व्यक्ती या परीक्षेसाठी पात्र असेल. रायगडचा रहिवासी नसलेला परंतु नोकरीस किंवा शिक्षणासाठी रायगड जिल्ह्यात स्थायिक असलेली व्यक्ती देखील या पंच परीक्षेसाठी पात्र असेल. या परीक्षेस बसु इच्छिणाऱ्यांनी विहीत नमुन्यातील अर्ज संपूर्ण माहिती भरून १००० रुपये परीक्षा शुल्कासह २५ में पर्यन्त रायगड जिल्हा खो-खो असोसिएशनकडे जमा करणे आवश्यक आहे.
अधिक माहितीसाठी लावण्य मगर ९९८७०७७३१७ किंवा अमोल जाधव ९७७३४२२२१४ यांच्याशी संपर्क साधावा असे आवाहन रायगड जिल्हा खो-खो असोसिए‌शनचे कार्यवाह आशिष पाटील यांनी केले आहे.
