अलिबाग रायगड : मुरुड तालुका अभियान व्यवस्थापक या पदावर कार्यरत असणाऱ्या प्रज्ञा पवार यांनी बेमुदत उपोषणाचे हत्यार उपसले आहे. गटविकास अधिकारी, पंचायत समिती, मुरुड जिल्हा अभियान सहसंचालक, जिल्हा ग्रामीण विकास यंत्रणा रायगड यांनी संगनमताने जाणीवपूर्वक,व्यक्तीगत दुष्ट हेतू मनात ठेवून तसेच आपल्या अधिकारांचा गैरवापर करुन गैरशिस्तीचे आरोप करत प्रज्ञा पवार यांची नियुक्ती रद्द केली आहे. या विराेधात न्याय मिळवण्यासाठी 10 जूनपासून जिल्हाधिकारी कार्यालयासमाेर आंदाेलन करणार आहेत.
या संदर्भातील पत्र त्यांनी जिल्हाधिकारी यांना दिले आहे.
कोणतीही चौकशी न करता मुख्य कार्यकारी अधिकारी, जिल्हा परिषद, रायगड-अलिबाग यांनी सदर पदावरील पुनर्नियुक्ती दि. १४/०५/२०२५ रोजी रद्द केली आहे. वास्तविक पहाता पूनर्नियुक्ती रद्द करण्यापूर्वी केलेल्या आरोपांची सत्यता पडताळणी करणे गरजेचे होते. सदर पदावर कार्यरत असतांना मी केलेली प्रगती, कर्तव्य जबाबदाऱ्यांचे पालन याचा विचार करता प्रशासकिय पद्धतीने कार्यवाही होणे आवश्यक होते. परंतु तसे न करता व गैरशिस्तीचे नक्की काय आरोप लावले आहेत याचे पत्र मलाही न देता, सदर सिद्ध न झालेले आरोप हाच पुरावा मानून माझी पुनर्नियुक्ती रद्द केली आहे, ही गोष्ट प्रशासकीय दृष्ट्या पूर्णपणे चुकीची असल्याचे पवार यांनी अर्जात नमुद केले आहे.
As per article 21 of the constitution of India & Indian Evidence Act 1872 section 101 to 105 “A person is presumed innocent until proven guilty.” याप्रमाणे संबंधित अधिकाऱ्यांनी माझ्यावर केलेल्या आरोपांची सत्यता पडताळणी करणे अनिवार्य होते. आरोपांच्या दस्ताऐवजांची प्रत मला पुनर्नियुक्ती रद्द केल्याच्या पत्रासोबत देणे अनिवार्य होते. या उपरांत मी मागणी करुन सुद्धा आजपर्यंत मला सदर दस्ताऐवज प्राप्त नाहीत व मागणी करुनही गेले १५ दिवसांमध्ये यावर कोणतीही कार्यवाही करण्यात आलेली नाही. it shows my innocence & also shows accusations may fabricated. असा उल्लेख करण्यात आला आहे.
या संदर्भात मी आपल्या दिनांक २३/०५/२०२५ रोजी आपल्या दालनात आपली समक्ष भेट घेतली आहे व आपल्या कार्यालयासही पत्र क्र. १) दि. १९/०५/२०२५, पत्र क्र. २) दि. २३/०५/२०२५ व पत्र क्र. ३) दि. ३०/०५/२०२५ रोजी पत्रव्यवहार केलेला आहे. सदर पत्र व्यवहाराची पोहोच माझ्याकडे उपलब्ध आहे. आपले अधिनस्त प्रशासनाकडून मला अन्यायकारक वागणूक मिळत आहे. या संदर्भात मी कायदेशीर मार्गाने व शांततामय पद्धतीने मंगळवार दिनांक १०/०६/२०२५ पासून जिल्हाधिकारी कार्यालय, रायगड अलिबाग येथे आमरण उपोषणास बसणार आहे. याबाबत ही पूर्वसूचना देत आहे. या उपोषणांतर्गत मी खालिल न्याय मागण्या आपणांस करित आहे. या बाबतीत त्वरित योग्य ती कार्यवाही व्हावी अशी विनंती पवार यांनी केली आहे.
आपल्या स्तरावरुन संबंधीत अधिकारी यांची खालील मुद्यावर प्राथमिक चौकशी व्हावी.
१. प्रशासकिय यंत्रणेने गैर शिस्तीच्या आरोपांच्या संर्दभाने पुनर्नियुक्ती रद्द करण्यासाठी घेतलेल्या महाराष्ट्र नागरी सेवा नियमांचा आधार व प्रशासकीय कार्य पद्धतीचा वापर (जसे आधार, नियम व अधिकार)
२. मला सेवेत असतांना पत्र व्यवहार न करता अचानक पुनर्नियुक्तीच्या दिवशी गैरशिस्तीचे आरोप करण्याची घाई करण्यात आली
३. माझी पुनर्नियुक्ती रद्द करतांना व केल्यावरही, आजपर्यंत मी मागणी करुनही सदर गैरशिस्तीच्या आरोपां संदर्भातील दस्तऐवज देण्यात आले नाहीत.
४. महाराष्ट्र राज्य ग्रामीण जीवनोन्नती अभियानातील गटविकास अधिकारी यांना दिलेले अधिकार, कर्तव्य व जबाबदाऱ्यांतर्गत केलेली गैरशिस्तीची कारवाई.
५. रायगड जिल्ह्याच्या विकासासाठी आलेल्या निधीचा कागदोपत्री व प्रत्यक्षात झालेला वापर व त्या अनुषंगाने झालेला विकास यातील तफावत व त्याकरिता अधिकारी-कर्मचारी-केडर यांना दिले गेलेले भत्ते, निधी वाटप. कारण रायगड जिल्हा आजही ग्रीन झोन मध्ये नाही (रायगड जिल्ह्याच्या मागावून सिंधुदूर्ग जिल्ह्याचा तळागाळापर्यंत विकास झाला)
६. मा. प्रकल्प संचालक, ( प्रियदर्शिनी मोरे) यांनी आपल्या कर्तव्य जबाबदाऱ्यांमध्ये केलेली प्रचंड कुचराई. प्रक्षेत्रावर कधीही न घेतलेला आढावा. प्रक्षेत्रीय कर्मचारी यांची प्रशिक्षणाकरिता आलेल्या निधीचा गैरवापर, प्रक्षेत्रीय कर्मचाऱ्यांची प्रशिक्षणे व त्यावर खर्च केली गेलेली रक्कम यामध्ये प्रचंड भ्रष्टाचार, अधिनस्त बाह्य संस्थेतर्गत कार्यरत CSC कर्मचारी व MSRLM कर्मचारी (श्रीम. मोरे यांचे जिल्हा कार्यालयातील कमिशन एजंट) यांच्यामध्ये भेदभाव करुन बाह्य संस्थेतर्गत कार्यरत CSC कर्मचारी यांना कायम अपमानास्पद वागणूक. CSC कर्मचाऱ्यांच्या पत्रांना उडवाउडवीची उत्तरे, व्हॉट्सअॅप ग्रुपवर अशासकिय भाषा व धमक्या
७. जिल्हा ग्रामीण विकास यंत्रणा, रायगड-अलिबाग कार्यालयामध्ये सुरु असलेला प्रचंड आर्थिक भ्रष्टाचार.
याबाबत या जिल्हाचे पालक म्हणून प्राथमिक चौकशी होणे अत्यंत आवश्यक आहे.
यावरुन आपल्या लक्षात येईल की, संबंधीत अधिकारी यांनी आपल्या अधिकारांचा गैरवापर करुन स्वतःच्या पदाला लाज आणेल असे कृत्य केले आहे. तसेच माझ्या सारख्या एका सुशिक्षित कंत्राटी कर्मचाऱ्याचे चारित्र्य हनन करुन जाणीवपूर्वक माझे भवितव्य उध्वस्त करण्याचा दुष्ट बुद्धीने प्रयत्न केलेला आहे परिणामी सदर आरोपांखाली संबंधीत अधिकारी यांची निलंबनासह विभागीय चौकशी आपल्या स्तरावरुन प्रस्तावीत करावी.
दरम्यान,सदर मागण्यांची पूर्तता होत नाही तोपर्यंत मी आमरण उपोषण सुरु ठेवणार आहे, असा इशारा पवार यांनी दिला आहे.
. . . .
