रत्नागिरी:मुंबई-गोवा महामार्गावरील निवळी-बावनदी घाटात रविवारी सकाळी आठ वाजण्याच्या सुमारास गॅस टँकर व प्रवासी वाहतुक करणारी मिनी बस यांच्यात झालेल्या भीषण अपघातात ३१ प्रवासी जखमी झाले. टँकरने मिनी बसला मागून धडक दिल्याने बस ४० फुट खोल दरीत कोसळली. तसेच टैंकर पलटी होवून गॅस गळती झाल्याने वाहतूक थांबविण्यात आली. त्यामुळे वाहनांच्या लांबच लांब रांगा लागल्या होत्या. मिळालेल्या माहितीनुसार, रत्नागिरीकडे जाणारा एलपीजी गॅस टँकरने चिपळूणहून रत्नागिरीकडे येणाऱ्या मिनी बसला मागून धडक दिली. या जोरदार धडकेमुळे मिनी बस ४० फुट खोल दरीत कोसळली तर टँकर रस्त्याच्या बाजुला पलटी झाला. या अपघातामुळे टँकरमधून गॅस गळती सुरु झाल्याने परिसरात असलेल्या एका घराला व गुरांच्या चाऱ्याला आग लागली.
