खोपोली रायगड: खालापूर तालूक्यातील दुर्गम भागात असलेल्या खडई धनगरवाडा आणि करंबेळी ठाकुरवाडी कडे जाणाऱ्या रस्त्यावर अवकाळी पावसाने मोठे खड्डे पडले होते, त्यामुळे येथे दुचाकीही जातं नव्हती, त्यामुळे येथील ग्रामस्थांना चार ते पाच किमीची पायपीट करावी लागत होती, यासाठी करंबेळी आणि खडई धनगरवाडा येथील विद्यार्थी ग्रामस्थांनी एकत्र येत स्वतः दगड, सिमेंट, क्रेशन आणून खड्डे भरले आहेत, गेल्या अनेक वर्षांपासून या गावाला रस्ता मिळावा यासाठी ग्रामस्थांनी आंदोलन, मोर्चे आणि उपोषणे केली आहेत, मात्र या गावाला आजही पक्का रस्ता मिळाला नाही, तर या गावांचा विषय कोणत्याच राजकीय पुढऱ्यांनी मार्गी लावला नाही, नसल्याची खंत ग्रामस्थांनी व्यक्त केली आहे, 
खालापूर तालुक्यातील खाणाव ग्रामपंचायत हद्दीत खडई धनगर वाडा तर करबेली ठाकूरवाडी ही खरिवली ग्रामपंचायत हद्दीत येत आहेत येथे प्रामुख्याने आदिवासी ठाकूर आणि धनगर समाजाची लोकवस्ती आहे,
देशाला स्वातंत्र्य मिळून 75 वर्ष उलटले तरी आजही या ग्रामस्थांना रस्ता मिळत नसल्याने त्यांना आजही चार किमीची पायपीट करावी लागत आहेत, पावसाळ्यात येथे कोणी आजारी पडले तर झोळी करून चार किमीची पायपिट करून भोकरपाडा येथे येऊन मग पुढील उपचारासाठी गाडीने न्यावे लागते,तर दररोज याच ठिकाणाहून शाळेतील मुलांना कामगारांना रोज ये जा करावी लागत आहे, 
नुकताच मान्सून पूर्व पाऊस सगळीकडे मुसळधार पडल्याने जनजीवन विस्कळीत झाले आहे, त्यातच खडई धनगरवाड्या कडे जाणाऱ्या रस्त्यावर भले मोठे खड्डे पडले होते, यागावांत दुचाकीही जातं नव्हती, यासाठी येथील ग्रामस्थांनी स्वतः पुढाकार घेत खडी क्रेशन्ट, आणि सिमेंट आणून तातपूर्ती डागडुजी केली आहेत, मात्र मोठ्या प्रमाणात पाऊस आल्याने पुन्हा तशीच परिस्थिती होणार असल्याने प्रशासनाने कायमस्वरूपी रस्ता करावा अशी मागणी ग्रामस्थांनी केली आहे .
