अहमदाबाद : अहमदाबादहून लंडनकडे निघालेल्या एअर इंडियाच्या विमानाचा भीषण अपघात झाला असून या दुर्घटनेत अनेक प्रवासी जखमी झाले आहेत, तर काहींना आपला जीवही गमवावा लागला आहे. या अपघातात पनवेल न्हावे येथील मैथिली मोरेश्वर पाटील (वय २८) हिचा दुर्दैवी अंत झाला आहे.
प्राथमिक माहितीनुसार, उड्डाणाच्या काही वेळातच तांत्रिक बिघाडामुळे विमानाने आपत्कालीन लँडिंगचा प्रयत्न केला. मात्र, लँडिंग दरम्यान विमान धावपट्टीवरून घसरले आणि त्याला आगीचा मोठा भडका बसला.
मैथिली ही उच्च शिक्षणासाठी लंडनला जात होती. ती अतिशय हुशार, उत्साही आणि कुटुंबाची लाडकी मुलगी होती. तिच्या अकस्मात निधनाने पाटील कुटुंबावर दुःखाचा डोंगर कोसळला आहे. स्थानिक प्रशासनाने आणि विमानतळ अधिकाऱ्यांनी मदत आणि शोधमोहीम सुरू केली असून अपघाताच्या नेमक्या कारणाचा तपास सुरू आहे.
पंतप्रधान नरेंद्र मोदी यांनी या घटनेबद्दल तीव्र दुःख व्यक्त केले असून जखमी प्रवाशांना तातडीने वैद्यकीय मदत पुरविण्याच्या सूचना दिल्या आहेत.
