विद्यार्थ्यांच्या प्रगतीचा आलेख उंचावणार पोलीस अधीक्षक आँचल दलाल यांचे प्रतिपादन 

रायगड ( प्रतिनिधी ) आजचा दिवस नवीन उत्साह घेऊन येणार आहे. प्रत्येकाच्या आयुष्यात शाळेचा पहिला दिवस आठवणीत राहणार असतो. शासनाच्या शाळांमध्ये विद्यार्थी शिक्षणासाठी यावे यासाठी शाळा व्यवस्थापन समितीची भूमिका महत्वाची असते. प्रवेशोत्सव हा उपक्रम शासनाने सुरु केला आहे. ते केवळ विद्यार्थ्यांना शिक्षणात रुची वाढावी हि या उपक्रमातील जमेची बाजू आहे. प्रवेशोत्सव केवळ छायाचित्रण करण्यासाठी नाही तर प्रवेशोत्सवापासून पालक आणि शिक्षकांनी विद्यार्थ्यांना घडविण्याची जबाबदारी पेलण्यासाठी सज्ज राहायला हवे. शाळेच्या पहिल्या दिवशी विद्यार्थ्यांना शिक्षणाच्या शुभेच्छा देण्याबरोबरच शाळेमधील विद्यार्थ्यांच्या प्रगतीचा आलेख उंचावण्यासाठी शाळा व्यवस्थापन समिती, शिक्षक मुख्याध्यापक यांच्या माध्यमातून विद्यार्थ्यांना सहकार्य करणार असल्याचे प्रतिपादन  रायगड जिल्ह्याच्या पोलीस अधीक्षक  आँचल दलाल यांनी दिले.