सोगाव – अब्दुल सोगावकर : किहीम सरपंच प्रसाद उर्फ पिंट्या गायकवाड यांची दानत वृत्ती सर्वांनाच परिचित आहे, आपल्या कडे आलेल्या कोणत्याही प्रकारच्या गरजूला रिकाम्या हाताने न पाठवता जे जमेल तशी मदत करणे हा त्यांचा मूलस्वभाव आहे. निवारा बालगृह, ता. जामखेड, जि. अ. नगर येथील अनाथ, निराधार, वंचित, भटके, वीटभट्टी मजूर, ऊसतोड कामगार, आदिवासी, लोककलावंत आदी गरीब घरातील तब्बल १८० पेक्षा जास्त मुलांच्या शिक्षणाची व त्यांच्या पालनपोषणाची जबाबदारी पार पाडत असलेल्या आश्रमशाळेच्या संचालकांनी गुरुवार दि. १२ जून रोजी सरपंच गायकवाड यांच्या चोंढी येथील जनसंपर्क कार्यालयात जाऊन सदर आश्रमशाळेला विद्यार्थ्यांच्या पालनपोषणकरीता होत असलेल्या अडचणी समस्या मांडल्या. यावेळी सर्व प्रकारची माहिती घेत सरपंच गायकवाड यांनी संचालक मंडळाकडे आपल्यापरीने जमेल तेवढी शिधा वाटप करत आपली सामाजिक बांधिलकी जपली.
यावेळी सरपंच पिंट्या गायकवाड यांच्यासह ज्येष्ठ समाजसेवक सुधीर उर्फ बाळू गायकवाड, सासवणे ग्रामपंचायतीच्या माजी सदस्या हर्षला पाटील तसेच बालगृह निवारा संस्थेचे संचालक मंडळ उपस्थित होते, याबद्दल संस्थेच्या वतीने संचालक मंडळाने सरपंच गायकवाड यांचे संस्थेने आभार मानले आहेत.
