सोगाव – अब्दुल सोगावकर : अलिबाग तालुक्यातील मापगाव ग्रामपंचायत हद्दीतील मुनवली येथील सामाजिक कार्यकर्ते सचिन घाडी यांनी सामाजिक बांधिलकी जपली आहे, आपण आपल्या जीवनात जगतांना या समाजाचे काही तरी ‘देणे’ लागतो, या उदात्त हेतूने सामाजिक कार्यकर्ते सचिन घाडी यांनी सोमवार दि.१६ जून २०२५ रोजी सकाळी राजिप उर्दू व मराठी तसेच उर्दू हायस्कूल या शाळेतील शाळेच्या पहिल्याच दिवशी शाळेत येणाऱ्या नवोदित प्रवेश घेणाऱ्या मुलामुलींना त्यांचे मोठ्या उत्साहात गुलाबपुष्प देऊन स्वागत केले. तसेच या शाळेत शिकणाऱ्या गरीब गरजू विद्यार्थ्यांना शैक्षणिक साहित्याची असलेली गरज लक्षात घेऊन सर्व तिन्ही शाळेतील विद्यार्थ्यांना स्वखर्चाने शैक्षणिक साहित्याचे मोठ्या प्रमाणात वाटप केले. त्यांनी दाखवलेली सामाजिक बांधिलकी पाहून अनेक विद्यार्थ्यांमध्ये व त्यांच्या पालकांमध्ये आनंदी वातावरण निर्माण झाले होते. याबद्दल सामाजिक कार्यकर्ते सचिन घाडी यांचे सर्व शाळेतील शिक्षकांनी व उपस्थित मान्यवरांनी कौतुक करत त्यांचे आभार मानले आहेत.
या शैक्षणिक साहित्य वाटप कार्यक्रमाला उपस्थित सर्व मान्यवरांचे तिन्ही शाळेच्या शिक्षक वर्गांनी गुलाबपुष्प देऊन स्वागत केले. या शैक्षणिक साहित्य वाटप कार्यक्रमाला रायगड जिल्हा काँग्रेस कमिटीचे उपाध्यक्ष सुनिल थळे, गुरुवर्य चांदोरकर सर, मापगाव ग्रामपंचायतीचे माजी उपसरपंच समद कुर, मुरतुजा कुर, गुलजार कुर, माजी ग्रामपंचायत सदस्य संजय शिंदे, माजी ग्रामपंचायत सदस्या सानिका घाडी, लाईक कप्तान, स्मिता राऊत, सुरेश राऊत, सामाजिक कार्यकर्ते सतिश घाडी, सचिन घाडी, पांडुरंग ठकरुळ, गंगाराम ठकरुळ, सुधाकर ठकरुळ, मधुकर सूद, दिलिप मोंढे, वामन ठकरुळ, रुस्तुम कुर, संतोष बांद्रे, सूचित थळे, मुनावर कुर, मनिष खाडे, संजय जाधव, परेश सुर्वे, निखिल करजूकर तसेच सोगाव पंचक्रोशीतील सर्व समाजातील ग्रामस्थ, उर्दु शाळेच्या मुख्याध्यापिका व मराठी शाळेचे मुख्याध्यापक तसेच उर्दू हायस्कूलच्या मुख्याध्यापिका, सर्व शिक्षक वर्ग, अंगणवाडी सेविका, मदतनीस व विद्यार्थी व त्यांचे पालक मोठ्या संख्येने उपस्थित होते.
