किहीम सरपंच पिंट्या गायकवाड यांचा विकासकामांचा धडाका

किहीम ग्रामपंचायत हद्दीतील बामणसुरे आदिवासी वाडीवरील रस्त्याचे खडीकरण व डांबरीकरण प्रगतीपथावर

चोंढी – अब्दुल सोगावकर : अलिबाग तालुक्यातील चोंढी येथील सामाजिक कार्यकर्ते तथा किहीम ग्रामपंचायतीचे सरपंच प्रसाद उर्फ पिंट्या गायकवाड यांनी सरपंच पदावर विराजमान झाल्यापासून अनेक विकासकामे पूर्ण करण्याचा एकप्रकारे सपाटाच हाती घेतला आहे. त्यांनी काही दिवसांपूर्वी बामणसुरे आदिवासी वाडीवरील रस्त्यावर खडीकरण केले होते, त्याच रस्त्यावर १६ एप्रिल रोजी अंतिम डांबरीकरण(कार्पेट) कामाचे उद्घाटन करत कामाला जोरदार सुरुवात केली आहे, याबद्दल आदिवासी वाडीवरील सर्व बांधवांनी किहीम सरपंच पिंट्या गायकवाड यांचे आभार मानले आहेत.

            यावेळी सरपंच पिंट्या गायकवाड यांनी आमच्या प्रतिनिधी जवळ बोलताना सांगितले की, या भागातील रस्ता गेली अनेक वर्षे खराब होऊन मोठ्या प्रमाणात खड्डे पडून नादुरुस्त झाला होता, यामुळे या रस्त्यावर वाहन चालवणे व चालत जाणे मोठ्या जिकीरीचे झाले होते. हा रस्ता मी पुर्ण करणार असा शब्द मी माझ्या आदिवासी बांधवांना दिला होता,  तो आज पूर्ण होत असल्याचे मला समाधान वाटले, या रस्त्याच्या कामासाठी मी सरपंच पदावर विराजमान झाल्यापासून शासनाकडे सतत पाठपुरावा केला होता, याबाबत सर्व शासकीय सोपस्कार पूर्ण करूनच कामाला सुरुवात केली आहे. येत्या काही दिवसात किहीम ग्रामपंचायत हद्दीतील इतर रस्त्याची कामे मार्गस्थ करणार आहे, याखेरीज इतरही विविध विकासकामांचे प्रस्ताव शासकीय पातळीवर मंजुरीसाठी पाठवली आहेत, लवकरच तीसुद्धा पूर्ण करणार असल्याचे शेवटी सांगितले.