अलिबाग (प्रतिनिधी): अलिबाग-रोहा मुख्य रस्त्यावरील खड्ड्यांची दयनीय अवस्था आणि त्याकडे असलेले सार्वजनिक बांधकाम विभागाचे दुर्लक्ष सध्या चर्चेचा विषय ठरत आहे. या मार्गावरील खड्डे केवळ वाहतुकीस अडथळा ठरत नाहीत, तर अपघातांना निमंत्रण देत आहेत.
“नेत्यांच्या स्वागतासाठी आणि त्यांच्या हौशी उपक्रमांसाठी कोट्यवधींचा निधी सहज उपलब्ध होतो. मात्र, सामान्य नागरिकांच्या जीवावर बेतणाऱ्या रस्त्याच्या दुरुस्तीसाठी हा विभाग कायम निधीअभावी असल्याचे कारण पुढे करत असतो,” अशी खरमरीत टीका सामाजिक कार्यकर्ते व प्रवासी प्रतिनिधी अॅड. राकेश पाटील यांनी केली आहे. खड्ड्यांच्या त्रासाने हैराण झालेल्या विक्रम मिनिडोर संघटनेने आज भर पावसात स्वतःच्या खर्चाने या रस्त्यावरील खड्डे भरले. ही बाब फक्त संबंधित विभागासाठी नव्हे, तर स्थानिक राजकारणी आणि प्रशासनासाठीही अत्यंत लाजिरवाणी असल्याचेही अॅड. पाटील म्हणाले.
रस्ता दुरुस्ती ही प्राथमिक गरज असून, ती पूर्ण करण्यासाठी सामान्य नागरिकांना पुढाकार घ्यावा लागतो ही दुर्दैवी गोष्ट आहे. शासन आणि प्रशासनाने याकडे गांभीर्याने लक्ष देणे गरजेचे आहे, अन्यथा जनतेचा रोष उफाळून येणार हे निश्चित.
********
अलिबाग रोहा रस्ता आणि सा. बा, विभाग सध्या बदनाम झालय ते या रस्त्यावरील खड्ड्यांमुळे, नेत्यांची हौस पुरवायला या विभागाकडे कोटी रुपयांचा निधी उपलब्ध असतो, मात्र सर्व सामान्य नागरिकांचा जीव घेणाऱ्या खड्ड्यासाठी यांची तिजोरी रिकामी असते. हातावर पोट असलेल्या विक्रम मिनिडोर संघटनेने आज भर पावसात स्वतःच्या खर्चाने खड्डे भरले ही येथील उद्योगा बरोबरच राजकारण्यासाठी आणि प्रशासनासाठी शरमेची बाब आहे,
अँड, राकेश पाटील
सामाजिक कार्यकर्ते, प्रवासी
