अलिबाग (प्रतिनिधी) रायगड जिल्हा परिषदेअंतर्गत ठेकेदार युनियनने जुन्या जिओ टॅगिंग प्रणालीविरोधात आक्षेप नोंदवत नवी प्रणाली लागू करण्याची मागणी केली आहे. सध्या वापरली जाणारी ZPFMS प्रणाली बंद करून नवीन व सुटसुटीत जिओ टॅगिंग सॉफ्टवेअर वापरण्यात यावे, अशी मागणी करण्यात आली आहे.
यासंदर्भात रायगड ठेकेदार असोसिएशनचे अध्यक्ष चेतन नारायण म्हात्रे यांनी मुख्य कार्यकारी अधिकाऱ्यांकडे लेखी निवेदन दिले आहे. त्यात म्हटलं आहे की, सद्यस्थितीत वापरली जाणारी ZPFMS प्रणाली अनेक अडचणी निर्माण करत असून, कामगार व ठेकेदार वर्गास अडथळा येतोय. त्यामुळे कार्यप्रणालीत सुधारणा करणे आवश्यक आहे.
ठेकेदार संघटनेकडून जिल्ह्यातील विकास कामांमध्ये पारदर्शकता व अचूकता यावी यासाठी तातडीने नवीन प्रणाली कार्यान्वित करण्याची मागणी करण्यात आली आहे.
