अलिबाग (प्रतिनिधी) : मानी गावातील ग्रामस्थांसाठी एक आनंदाची बातमी आहे. भहिरेश्वर व्यायाम शाळेचा भव्य उद्घाटन समारंभ सोमवारी, दिनांक ३० जून २०२५ रोजी सायंकाळी ४ वाजता पार पडला. या सोहळ्याचे आयोजन भहिरेश्वर व्यायाम शाळा मानी व ग्रामस्थ मानी यांच्यावतीने करण्यात आले होते.
या उद्घाटन समारंभासाठी प्रमुख उपस्थिती रा.जी.प. मानसी दळवी, श्री. दिलीप भोईर,अँड. महेश मोहिते आदी मान्यवर उपस्थित होते. या व्यायाम शाळेमुळे गावातील युवकांना आरोग्यविषयक चांगल्या सुविधा मिळणार असून, शरीरसौष्ठव आणि व्यायामाचे महत्त्वही वृद्धिंगत होणार आहे.
या नव्या उपक्रमामुळे गावातील तरुणाईमध्ये आरोग्याबाबत जागरूकता निर्माण होईल, तसेच विविध स्पर्धांमध्ये सहभागी होण्यासाठी एक उत्तम व्यासपीठ उपलब्ध होणार आहे. ग्रामस्थांमध्ये या कार्यक्रमाबाबत उत्साहाचे वातावरण आहे. नवीन व्यायाम शाळेला शुभेच्छा द्याव्यात, असे आयोजकांकडून आवाहन करण्यात आले आहे.
