अलिबाग (प्रतिनिधी): शेतकरी कामगार पक्षाचे निष्ठावान कार्यकर्ते संतोष जोशी (नंदू) यांचे आज दुःखद निधन झाले. त्यांच्या आकस्मिक निधनाने शेकाप परिवारात हळहळ व्यक्त करण्यात येत आहे.
संतोष जोशी हे सामाजिक, राजकीय व जनसामान्यांच्या प्रश्नांवर नेहमीच सक्रिय राहिले. पक्षाच्या विविध उपक्रमांमध्ये त्यांचा सक्रीय सहभाग होता. कार्यकर्त्यांशी मैत्रीपूर्ण संबंध ठेवून संघटनात्मक बांधणीसाठी त्यांनी नेहमी पुढाकार घेतला.
त्यांच्या निधनाने शेतकरी कामगार पक्षाने एक संघर्षशील कार्यकर्ता गमावला आहे. विविध पक्षाच्या नेत्यांनी व स्थानिक नागरिकांनी श्रद्धांजली अर्पण केली असून, त्यांच्या योगदानाची आठवण कायम राहील असे मत व्यक्त केले जात आहे.
भावपूर्ण श्रद्धांजली!









