रोहा (प्रतिनिधी): भाजपचे ज्येष्ठ नेते व माजी आमदार श्री. पंडित पाटील यांनी रोहा तहसील कार्यालयास सदिच्छा भेट दिली. या भेटीदरम्यान रोहा तालुक्यातील नागरिक व भाजप कार्यकर्त्यांना भेडसावणाऱ्या विविध समस्या मार्गी लावण्यासाठी त्यांनी प्रशासनातील वरिष्ठ अधिकाऱ्यांशी संवाद साधला.
या चर्चासत्रात प्रांताधिकारी श्री. ज्ञानेश्वर खुटवड, तहसीलदार श्री. किशोर देशमुख, पोलीस निरीक्षक श्री. मारुती पाटील तसेच विविध विभागांचे अधिकारी सहभागी झाले होते. माजी आमदार पाटील यांनी स्थानिक पातळीवरील समस्यांबाबत मुद्देसूद मांडणी करत तातडीने उपाययोजना करण्याचे आवाहन केले.
यावेळी पेण विधानसभा भाजप रोहा तालुका अध्यक्ष श्री. महेश ठाकुर, रोहा तालुक्यातील भाजपचे प्रमुख पदाधिकारी, कार्यकर्ते व नागरिक मोठ्या संख्येने उपस्थित होते. या बैठकीत अनेक विषयांवर सखोल चर्चा झाली असून प्रशासनाने सकारात्मक प्रतिसाद दिला.
या दौऱ्यामुळे नागरिकांमध्ये समाधानाची भावना निर्माण झाली असून भाजप कार्यकर्त्यांमध्ये नवचैतन्य संचारले आहे.
