रायगड (प्रतिनिधी) : कोकणातील खंदे नेते, विकास पुरुष आणि ३२- रायगड लोकसभा मतदारसंघाचे कार्यसम्राट खासदार सुनील तटकरे यांचा ७० वा वाढदिवस गुरुवारी, १० जुलै २०२५ रोजी साजरा होणार आहे. या निमित्ताने रायगड जिल्हा राष्ट्रवादी काँग्रेस पार्टीच्या वतीने एक विशेष कार्यक्रमाचे आयोजन करण्यात आले आहे.
तटकरे यांच्या वाढदिवसानिमित्त, त्यांच्या कार्यकर्त्यांकडून विशेष कार्यकर्ते मेळाव्याचे आयोजन करण्यात आले आहे. हा कार्यक्रम गुरुवारी सकाळी १०.०० वाजता सुरू होऊन दुपारी २.०० वाजेपर्यंत चालणार आहे. या मेळाव्यासाठी पक्षाचे कार्यकर्ते, पदाधिकारी आणि समर्थक यांना उपस्थित राहण्याचे आवाहन करण्यात आले आहे.
या कार्यक्रमाचे प्रमुख आयोजक म्हणून राष्ट्रवादी काँग्रेस पार्टी रायगड जिल्हा अध्यक्ष श्री. मधुकर पाटील व कार्याध्यक्ष श्री. सुभाष केकाणे यांनी पुढाकार घेतला आहे. त्यांनी प्रसिद्धी पत्रकाद्वारे सर्व कार्यकर्त्यांना या कार्यक्रमाला मोठ्या संख्येने उपस्थित राहण्याचे आवाहन केले आहे.
तटकरे यांचे राज्याच्या विकासात मोठे योगदान असून त्यांनी पेट्रोलियम व गॅस नियामक मंडळाचे चेअरमन, राष्ट्रवादी काँग्रेस पक्षाचे प्रवक्ते आणि खासदार म्हणून उल्लेखनीय कार्य केले आहे. त्यांच्या कार्याचा गौरव करण्यासाठीच हा कार्यक्रम आयोजित करण्यात आला आहे.
