रायगडचे लाडके खासदार व राज्याच्या राजकारणात महत्त्वपूर्ण स्थान असलेले, कुशल संघटक, विकासाभिमुख नेतृत्वाचे प्रतीक असलेले खासदार सुनील तटकरे यांना वाढदिवसानिमित्त अलिबाग-मुरुड राष्ट्रवादी काँग्रेस विधानसभा मतदारसंघाचे अध्यक्ष अमितदादा नाईक यांनी मनःपूर्वक शुभेच्छा दिल्या.
शुभेच्छा देताना अमितदादा नाईक म्हणाले, “खासदार सुनील तटकरे हे गेली अनेक दशके रायगड जिल्ह्याच्या विकासासाठी अहोरात्र मेहनत घेत आहेत. जिल्ह्याच्या मूलभूत गरजांपासून ते दीर्घकालीन योजनांपर्यंत प्रत्येक मुद्द्यावर त्यांनी संसदेत ठामपणे आवाज उठवला आहे. पायाभूत सुविधांचा विकास, शेती, पर्यटन, आरोग्य आणि शिक्षण क्षेत्रात त्यांनी दिलेलं योगदान अत्यंत उल्लेखनीय आहे.”
ते पुढे म्हणाले, “तटकरे साहेबांचे नेतृत्व सर्वसामान्य जनतेशी जोडलेले असून, त्यांचं राजकारण हे केवळ सत्ता केंद्रित नसून सेवाभावातून प्रेरित आहे. आज त्यांच्या वाढदिवसाच्या निमित्ताने आम्ही संपूर्ण अलिबाग-मुरुड मतदारसंघाच्या वतीने त्यांच्या दीर्घायुष्यासाठी प्रार्थना करतो. त्यांच्या मार्गदर्शनाखाली आमचा पक्ष अधिक बळकट होत असून, आगामी काळात हेच नेतृत्व नव्या पिढीसाठी प्रेरणादायी ठरेल.”
या शुभेच्छा संदेशाद्वारे अमितदादा नाईक यांनी आपल्या नेत्यावरील विश्वास व निष्ठा व्यक्त केली आहे. रायगड जिल्ह्यातील जनतेनेही या दिवशी सोशल मीडियावर व विविध माध्यमांतून तटकरे साहेबांना शुभेच्छांचा वर्षाव केला. त्यांच्या पुढील कार्यकाळासाठी सर्व स्तरांतून शुभेच्छा व्यक्त होत आहेत.
अमितदादा अशोक नाईक
अध्यक्ष, अलिबाग-मुरुड राष्ट्रवादी काँग्रेस विधानसभा मतदार संघ
