अफवा पसरवण्याचा प्रकाराच्या शक्यतेमुळे सोशल मीडिया सेल सक्रिय
पर्यटकांच्या गाड्यांची तपासणी तर ३ हजारांवर काॅटेज, हाॅटेलमध्ये ‘सर्च ऑपरेशन’
रायगड (प्रतिनिधी): 7 जुलै रोजी रेवदंडाजवळील कोर्लई समुद्रात एका संशयित बोटीचा आढावा घेण्यात आला; त्यावर पाकिस्तानी खुणा असल्याचा अहवाल आला आणि सुरक्षा यंत्रणा अलर्टवर आल्या. सुरक्षा दलांनी कोस्ट गार्ड, नौदल, बॉम्ब स्क्वॉड, स्थानिक पोलीस, कस्टम्स आणि आयसीजी यांच्या मदतीने रात्रभर सर्च ऑपरेशन सुरु केले. अनेक ठिकाणी चेकपोस्ट लावण्यात आले आणि माहिती मिळाल्यानंतर समुद्रात ड्रोन, हेलिकॉप्टरने गस्त वाढवली आहे.
सुरुवातीला ही बोट “Muqadar Boya 99” नावाची पाकिस्तानी मत्स्यबोटी असल्याचा अंदाज धरला गेला; पण पुढील तपासात हे स्पष्ट झाले की तो बोया आहे जो अंदाजे 5 महिन्यांपूर्वी आसपासच्या काही बोटीतून फुटला होता. महाराष्ट्रचे मंत्रीही म्हणतात की, हे वस्तू समुद्र प्रवाहामुळे भारतीय किनाऱ्यावर आले आणि कोणत्याही प्रकारचे मानवी हस्तक्षेप यामध्ये घडला नाही.
मात्र आद्यपही किनारी लगतच्या पोलीस यंत्रणेची धाकधूक अद्यापही वाढलीच आहे. खबरदारी म्हणून सागरी किनाऱ्यावरील सुरक्षा वाढविण्यात आली आहे. खबरदारी म्हणून श्रीवर्धन पोलिसांनी तातडीने बैठक घेत स्थानिक मच्छीमारांची बैठक घेत किनारपट्टीवर संशयित हालचालींवर लक्ष ठेवण्याचे आवाहन केले आहे. सोशल मीडियावर अफवा पसरवण्याचा प्रकार काही मंडळाकडून होण्याची शक्यता नाकारता येत नाही. त्यामुळे पोलिसांचे सोशल मीडिया सेल सक्रिय आहे. ही यंत्रणा २४ तास सुरु असणार आहे. विशेष म्हणजे मच्छीमारांसोबत संवाद साधून त्यांना सर्तक राहण्याचे आवाहन करण्यात आले आहे. समुद्रकिनाऱ्यांवर पोलिसांची सततची गस्त सुरू आहे. सुरक्षेच्या दृष्टीने जिल्ह्यात पर्यटनासाठी येणाऱ्या सर्व गाड्या तापासण्यात जात आहेत. मुंबईहून मांडवा येथे बोटीने प्रवास करणाऱ्या प्रवाशांची तपासणी होत आहे.
मात्र आता याविषयी उलटसुलट चर्चा सोशल मीडियावर होत आहे. प्रशासनाने कोणताही धोका नसल्याचे सांगितले, सापडलेली वस्तू धोकादायक नाही हेदेखील सांगितले मग तरीही किनाऱ्यांवरील ३ हजारांहून अधिक काॅटेज व हाॅटेलची तपासणी करण्यात आली आहे. हे ‘सर्च ऑपरेशन’ सुरू राहणार असल्याचे संकेतही मिळत आहेत. रायगड पोलिस प्रशासनाने अधिकारी आणि अन्य कर्मचाऱ्यांच्या रजा रद्द करून तत्काळ हजर होण्याचे आदेशदेखील देण्यात आले आहेत. अलिबाग, मुरूड तालुक्यातील समुद्रकिनारा आणि अन्य भागांत शस्त्रधारी नाकाबंदी आहे. आद्यपही संवेदनशील परिस्थिती असल्यासारखी शोधमोहीम सुरू असल्याने अनेक सवाल उपस्थित होत आहेत.
