रायगड (प्रतिनिधी) : “विकसित महाराष्ट्र 2047” या महत्त्वाकांक्षी उपक्रमासाठी नागरिकांचे विचार, अपेक्षा आणि प्राधान्यक्रम समजून घेण्यासाठी राज्यभरात सर्वेक्षण राबविण्यात येणार आहे. या सर्वेक्षणात जास्तीत जास्त नागरिकांनी सहभागी व्हावे आणि महाराष्ट्राच्या भविष्यातील विकास आराखड्यात योगदान द्यावे, असे आवाहन जिल्हाधिकारी किशन जावळे यांनी केले आहे.
भारत सरकारने स्वातंत्र्याच्या अमृत महोत्सवानिमित्त “विकसित भारत @ 2047” या व्हिजनची संकल्पना मांडली आहे. या अनुषंगाने महाराष्ट्र सरकारने देखील 2047 पर्यंत राज्याची अर्थव्यवस्था 5 ट्रिलियन डॉलरपर्यंत पोहोचवण्याचे उद्दिष्ट ठेवले आहे. त्याआधी 2029 पर्यंत 1 ट्रिलियन डॉलरचे लक्ष्य निश्चित करण्यात आले आहे.
या उद्दिष्टांच्या पार्श्वभूमीवर, राज्य सरकार “विकसित महाराष्ट्र 2047” चे व्हिजन डॉक्युमेंट तयार करत आहे. या अंतर्गत 16 विविध क्षेत्रांमध्ये जनतेची मते जाणून घेण्यात येणार असून, त्यानुसार धोरणात्मक निर्णय घेण्यात येतील.
नागरिकांनी खालील लिंकवर क्लिक करून किंवा दिलेल्या QR कोडचा वापर करून आपले मत नोंदवावे आणि राज्याच्या विकास प्रक्रियेत सक्रिय सहभाग घ्यावा, असे जिल्हाधिकाऱ्यांचे आवाहन आहे.
https://wa.link/o93s9m
