रायगड (प्रतिनिधी): मुरूड पोलीस ठाण्याच्या कार्यक्षेत्रात अंमली पदार्थ विरोधी कारवाईत मोठे यश मिळाले असून तब्बल १३ लाख ६१ हजार रुपये किमतीचा चरस जप्त करण्यात आला आहे. या प्रकरणी एकूण १३ आरोपींविरोधात एनडीपीएस कायद्याअंतर्गत गुन्हा दाखल करण्यात आला आहे.
29 जून 2025 रोजी मध्यरात्री 1:49 वाजता आगरदंडा ते मुरूड दरम्यान मोटार स्कुटी (MH-48/BK/9251) वर प्रवास करणाऱ्या अलवान निसार दफेदार (वय 19, रा. सिद्दी मोहल्ला मुरूड) यास शिघ्र तपासणी पोस्टवर थांबवून चौकशी केली असता, त्याच्या स्कुटीच्या डिकीतून ७७६ ग्रॅम चरस सापडला.
याप्रकरणी चौकशी दरम्यान बारा जणांची माहिती समोर आली. यामध्ये
1. विशाल रामकिशन जैसवाल (27, महाराजगंज, उत्तर प्रदेश) – मुख्य पुरवठादार
2. अनुप राजेश जैसवाल – मुरूड
3. अनुज विनोद जैसवाल (19, मुरूड)
4. आशिष अविनाश डिगे (25, काशिद)
5. प्रणित पांडुरंग शिगवण (25, सर्वे)
6. आनस इम्तियाज कबले (20, पेठ मोहल्ला, मुरूड)
7. वेदांत विलास पाटील (18, मजगाव)
8. साहिल दिलदार नाडकर (27, रोहा)
9. अनिल बंडू पाटील (40, मांडा, जि. ठाणे)
10. सुनील बुधाजी शेलार (34, फळेगाव, जि. ठाणे)
11. राजू खोपटकर – मुरूड
12. खुबी माखनसिंग भगेल – मुरूड
13) खुबी माखनसिंग भगेल रा.मुरूड, ता.मुरूड
अशांच्या मदतीने अवैदय धंदा करीत असतांना तपासात निष्पन्न केले आहे.
तपासात उघडकीस आले की मुख्य आरोपी विशाल जैसवाल हा चरस नेपाळ आणि उत्तर प्रदेश येथून आणत असे व मुरूड परिसरात आपल्या साथीदारांच्या मदतीने वितरण करत होता. यामध्ये अनुप व अनुज जैसवाल, डिगे, शिगवण यांचा सक्रीय सहभाग आढळून आला.
या टोळीच्या कब्जातून २ किलो ६५९ ग्रॅम चरस असा एकूण १३.६१ लाख रुपयांचा अंमली पदार्थ हस्तगत करण्यात आला आहे.
या गुन्ह्याचा तपास पोलीस निरीक्षक परशुराम कांबळे (प्रभारी, मुरूड पोलीस ठाणे) यांच्या नेतृत्वाखाली सपोनि विजयकुमार देशमुख, पोसई अविनाश पाटील, पोहवा जनार्दन गदमले, हरी मेंगाल, पोना किशोर बठारे, पोशी अतुल बारवे यांनी केला. तपासकार्य पोलीस अधीक्षक आँचल दलाल, अपर पोलीस अधीक्षक अभिजीत शिवथरे, तसेच उपविभागीय पोलीस अधिकारी (चार्ज पेण विभाग) यांच्या मार्गदर्शनाखाली पार पडले.
या प्रकरणातील सर्व आरोपींविरोधात पुढील तपास सुरू आहे. मुरूड परिसरातील अंमली पदार्थांच्या विरोधातील ही मोठी कारवाई समजली जात आहे.
