खोपोली (प्रतिनिधी) : पोलिसांनी ताकई फाटा परिसरातील एका दुकानात झालेल्या चोरीचा अवघ्या काही दिवसांत तपास लावून एकूण ६ परराज्यीय आरोपींना अटक केली आहे. यामध्ये चोरीस गेलेला १००% मुद्देमाल व गुन्ह्यात वापरलेली वाहने जप्त करण्यात पोलिसांना यश आले आहे.
दि. ३ जुलै २०२५ रोजी रात्री २ ते ३ च्या सुमारास श्री. रामचंद्र भिकू रासकर यांच्या मालेकीच्या दुकानात अज्ञात चोरट्यांनी मागील बाजूने खिडकीतून प्रवेश करून ₹३,२०,५००/- किंमतीचा पॉलीकॅब कंपनीचा विद्युत साहित्याचा मुद्देमाल चोरून नेला होता. याप्रकरणी खोपोली पोलीस ठाण्यात गुन्हा दाखल करण्यात आला होता.
तपासाची दिशा व पोलिसांची कार्यवाही:
मा. पोलीस अधीक्षक श्रीमती आंचल दलाल, अपर पोलीस अधीक्षक श्री. अभिजीत शिवधरे व उपविभागीय पोलीस अधिकारी श्री. विक्रम कदम यांच्या मार्गदर्शनाखाली तपास पथकाने परिसरातील तब्बल २० ठिकाणच्या सीसीटीव्ही फुटेजची पाहणी केली. वाहनांची ओळख पटवून, मोबाईल तांत्रिक विश्लेषणाच्या आधारे आरोपींचा शोध घेण्यात आला.
दि. ४ जुलै रोजी खालापूर येथून पहिला आरोपी झुबेर एहसान शेख यास अटक करण्यात आली. त्यानंतर माहितीच्या आधारे पिंपरी-चिंचवड, पुणे, नाशिक आणि गुजरात येथे पाठलाग करून उर्वरित आरोपींना अटक करण्यात आली.
अटक करण्यात आलेले आरोपी:
1. झुबेर एहसान शेख (३४) – आजमगड, उत्तरप्रदेश
2. आलम युसुफ मणियार (३४) – रायबरेली, उत्तरप्रदेश
3. दीपक कपिलदेव तिवारी (२२) – बलरामपुर, उत्तरप्रदेश
4. रामबिलास चिकनू यादव (३२) – सिद्धार्थनगर, उत्तरप्रदेश
5. झुबेर बहाब मेमन (२९) – मुंब्रा, ठाणे
6. सिराउद्दीन इबारतुल्ला खान – चिखली, पुणे
(सर्व आरोपींचा पूर्वगुन्हेगारी इतिहास आहे व विविध पोलीस ठाण्यांत चोरी व जबरी चोरीचे गुन्हे दाखल आहेत.)
हस्तगत मुद्देमाल:
पॉलीकॅब कंपनीचे विविध प्रकारचे वायर बंडल, केबल्स, कॉपर बॉक्सेस, पी.एल.सी. कंट्रोलर व प्रोग्रामिंग केबल्स
एकूण किंमत: ₹३,२०,५००/-
गुन्ह्यात वापरलेली वाहने:
1. टाटा योध्दा पिकअप – ₹४,००,०००/-
2. बजाज ऑटो रिक्षा – ₹९०,०००/- (ही रिक्षाही चोरीची असून मिरा-भाईंदर कासेगाव पोलिस ठाण्यात गुन्हा दाखल आहे.)
एकूण वाहन किंमत: ₹४,९०,०००/-
कारवाईत सहभागी अधिकारी व कर्मचारी:
पोलीस निरीक्षक श्री. सचिन हिरे, पो.उ.नि. अभिजीत बारांवळे, पोहवा अमित सावंत, संदीप चव्हाण, निलेश कांबळे, लिंबाजी शेडगे, समीर पवार, रामा मासाळ, किरण देवकते, प्रणित कळमकर, आकाश डोंगरे इत्यादींनी ही कौतुकास्पद कारवाई यशस्वीपणे पार पाडली.
