अलिबाग (प्रतिनिधी) : कोकणातील राष्ट्रवदी पक्षाचे महाराष्ट्र प्रदेशाध्यक्ष तथा खासदार सुनील तटकरे यांच्या प्रमुख उपस्थितीत दिशा समितीची बैठक सोमवार, १४ जुलै २०२५ रोजी आयोजित करण्यात आली आहे.
ही बैठक सकाळी ११ वाजता ते दुपारी १ वाजेपर्यंत, जिल्हाधिकारी कार्यालयाच्या नियोजन भवनात, अलिबाग (रायगड) येथे पार पडणार आहे. बैठकीत तालुका व जिल्हा पातळीवरील पदाधिकारी, कार्यकर्ते, लोकप्रतिनिधी आणि नागरिकांनी मोठ्या संख्येने सहभागी व्हावे, असे आवाहन करण्यात आले आहे.
या बैठकीत पक्षाच्या आगामी कार्यपद्धतीवर चर्चा, तसेच संघटनात्मक मजबुतीसाठी महत्त्वाचे निर्णय घेण्यात येण्याची शक्यता आहे.
रायगड जिल्हा राष्ट्रवादी काँग्रेसचे कार्याध्यक्ष सुभाष पांडुरंग केकाणे आणि जिल्हाध्यक्ष मधुकर पाटील यांनी सर्व संबंधितांनी वेळेत उपस्थित राहण्याचे आवाहन केले आहे.
