जसप्रीत बुमराह : भारतीय गोलंदाजीचा नवा युगपुरुष


क्रिकेटच्या इतिहासात प्रत्येक काळ एक खास खेळाडूने गाजवलेला असतो. एके काळी “हा गावसकरचा जमाना आहे” असं म्हणायचं, नंतर तो जमाना सचिन तेंडुलकरचा झाला. मग विराट कोहलीने आपली छाप सोडली. आणि आता, भारतीय क्रिकेटमध्ये असाच एक नवा जमाना सुरू झालाय – बुमराहचा जमाना!

जसप्रीत बुमराहचा आगळा वेगळा अ‍ॅक्शन, वेगवान यॉर्कर्स आणि नियंत्रण हे त्याला इतरांपेक्षा वेगळं ठरवतं. इंग्लंडच्या संघालाही त्याच्या गोलंदाजीचा इतका धसका बसलाय की ते घरीही दबावाखाली खेळताना दिसतात. बुमराहने केवळ विकेट्स घेतल्या नाहीत, तर विरोधी संघांच्या मनात भीती निर्माण केली आहे.

आज संपूर्ण भारत बुमराहच्या कामगिरीमुळे अभिमानाने आनंदी झाला आहे. तो फक्त खेळाडू नाही, तर भारतीय गोलंदाजीचा आधारस्तंभ बनलाय. तो जसा विकेट घेतो, तसंच तो नव्या पिढीला प्रेरणा देतोय.

खरंच, हा जसप्रीत बुमराहचा जमाना सुरु झाला आहे!

संदिप जगे