अलिबाग (प्रतिनिधी): जिल्हाप्रमुख राजाभाई केणी यांना आज पर्यंत सर्वांच्या हितासाठी काम केले आहे यामुळे त्यांना आपल्याला जिल्हापरिषद सदस्य करायचे आहे.यासाठी सर्वांनी एकत्र येऊन काम करा.राजाभाई जिल्हापरिषदेवर निवडून आले तर या मतदार संघाची तिसरी मुंबई करून दाखवू असा विश्वास शैलेश पाटील यांनी दिला.
शिवसेनेची कुर्डूस जिल्हा परिषद मतदार संघाची आढावा बैठकीचे आयोजन मधुबाग केणी फॉर्महाऊस येथे जिल्हा प्रमुख राजाभाई केणी यांच्या उपस्थितीत करण्यात आली होतो. 
या प्रसंगी रायगड जिल्हा परिषदेच्या निवडणुकीत आरक्षण पुरुष किंव्हा महिला असे कुठले ही असो पण यावेळी काही झाले तरी शिवसेनेचे जिल्हा प्रमुख राजाभाई केणी आणि रसिकाताई केणी हेच सदस्य असतील यामुळे सर्वांनी एकत्र येऊन घरो घरी हेच उमेदवार आहेत त्यांचे काम निष्ठेने करून जिल्हापरिषद जिंकून आपला हक्काचा माणूस म्हणून सभापती करायचा आहे असा ठाम निश्चय शिवसैनिकांनी आढावा बैठकी प्रसंगी केले.
यावेळी जिल्हाप्रमुख राजाभाई केणी यांनी स्थानिक स्वराज्य संस्थेच्या निवडणुकीत भगवा झेंडा फडकवण्याचे आदेश शिवसेनेचे नेते उपमुख्यमंत्री एकनाथ शिंदे यांनी दिला असल्याने जिल्ह्यात आढावा बैठकीचे आयोजन करण्यात येत आहे.
आमदार महेंद्रशेठ दळवी यांच्या नेतृत्वाखाली ग्रामपंचायत,पंचायत समिती जिल्हापरिषेवर भगवा झेंडा फडकवायचा आहे.
कुर्डुस जिल्हापरिषद मतदार संघात निवडणूक जिंकण्यासाठी एकत्र या प्रत्येक गावात शाखेचा बोर्ड लावा .विकासाची कामे होणारच असल्याचे जिल्हाप्रमुख केणी यांनी सांगितले. आगामी जिल्हा परिषद निवडणुकीच्या पार्श्वभूमीवर कुर्डूस मतदारसंघाची जागा जर भाजपाला सोडली गेली, तर शिवसेना कार्यकर्त्यांमध्ये तीव्र नाराजी उसळेल, असा इशारा श्रीगांव ग्रामपंचायत सदस्य हरीचंद्र म्हात्रे यांनी दिला आहे.
“कुर्डूस परिसरात शिवसेनेने गेल्या अनेक वर्षांत मोठं कार्य केलं असून, येथील जनतेशी आमचा थेट संपर्क आहे. त्यामुळे ही जागा शिवसेनेलाच मिळाली पाहिजे,” असे म्हात्रे यांनी स्पष्ट केले.
त्यांनी पुढे सांगितले की, “शिवसैनिकांमध्ये सध्या मोठा उत्साह आहे आणि आम्ही ही जागा जिंकण्यास पूर्णपणे सक्षम आहोत. मात्र भाजपाला ही जागा दिल्यास, स्थानिक पातळीवर असंतोष वाढू शकतो.”
या पार्श्वभूमीवर जिल्हास्तरावरील युती समन्वय समितीने स्थानिक भावना लक्षात घेऊन निर्णय घ्यावा, अशी मागणीही त्यांनी केली आहे.
यावेळी कुर्डूस मतदारसंघाती असंख्य कार्यकर्त उपस्थित होते.
