बिड (प्रतिनिधी): नेकनुर येथील दशरथ कोळपकर यांच्या हॉटेल गावरण तडका येथे महाराष्ट्र राज्याचे विद्यमान मंत्री मा. भरतशेठ गोगावले यांनी सदिच्छा भेट दिली. या भेटीदरम्यान त्यांनी हॉटेलच्या कामकाजाची आणि सुविधा व्यवस्थेची आस्थेवाईकपणे चौकशी केली. दशरथ कोळपकर यांच्याशी स्नेहपूर्ण संवाद साधत त्यांचे कौतुक केले आणि पुढील वाटचालीसाठी शुभेच्छा दिल्या.
मंत्री गोगावले यांनी या वेळी खास मार्गदर्शन करत हॉटेलमध्ये येणाऱ्या ग्राहकांना दर्जेदार व स्वच्छ जेवण देण्यावर भर देण्याचे आवर्जून सांगितले. “लोकांना प्रेमाने आणि उत्तम पद्धतीने जेवण द्या, हेच तुमच्या यशाचे गमक ठरेल,” असे ते म्हणाले. त्यांनी परिसरातील पर्यटन वाढत असताना स्थानिक हॉटेल व्यवसायिकांनी दर्जा आणि सेवा यामध्ये सातत्य राखावे असेही मत व्यक्त केले.
या भेटीमुळे दशरथ कोळपकर आणि त्यांच्या टीममध्ये नवचैतन्य निर्माण झाले आहे. मंत्री महोदयांनी दिलेले मार्गदर्शन आणि शुभेच्छा हॉटेलच्या गुणवत्तापूर्ण सेवेच्या दिशेने प्रेरणा ठरणार आहेत. या प्रसंगी स्थानिक नागरिकांनीही मंत्री गोगावले यांचे स्वागत केले आणि त्यांचा सत्कार करण्यात आला.
हॉटेल गावरण तडका हे स्थानिक चव आणि ग्रामीणपणाचा अनुभव देणारे ठिकाण म्हणून लोकप्रिय ठरत आहे. मंत्री गोगावले यांच्या भेटीमुळे हॉटेलचा उत्साह अधिक वाढला आहे.
हॉटेल गावरान तडका नेकनूर तालुका जिल्हा बीडनगर आंबेजोगाई हायवे ,सुरवसे पेट्रोल पंप शेजारी नेकनुर
