अपघातात बापलेकीचा जागीच मृत्यू तर 12 जण जखमी , चार जण गंभीर …
माल वाहतूक करणाऱ्या ट्रक ची पाच वाहनांना धडक…
खोपोली दत्तात्रेय शेडगे :मुंबई पुणे जुन्या महामार्गावर खोपोलीजवळ बोरघाटात भरधाव वेगातील मालवाहतूक ट्रकने एकापाठोपाठ पाच वाहनांना धडक दिल्याने झालेल्या अपघातात बापलेकीचा मृत्यू झाला तर 12 जण जखमी झाले. जखमींपैकी 4 जणांना गंभीर दुखापती झाल्या असून त्यांना पुढील उपचारार्थ पनवेल, खोपोली, लोणावळा येथील रूग्णालयात दाखल करण्यात आले आहे. मुंबई लेनवर रविवारी रात्री 11 वाजताचा हा अपघात आहे.
पुण्याकडून मुंबई कडे भरधाव वेगात निघालेल्या मालवाहतूक ट्रक ने ईनोव्हा, अर्टिका, रिक्षा, टाटा पंच व एक हायवे पेट्रोलिंगचे वाहन अशा पाच वाहनांना धडक दिली . महामार्ग पोलीस, लोणावळा, खंडाळा पोलीस यांच्यासह खोपोली येथील अपघातात ग्रस्तांच्या मदतीसाठी या संस्थेचे स्वयंसेवक आय आर बी पेट्रोलिंग, देवदूत यंत्रणा, महाराष्ट सुरक्षा बल, पवना आणि लोकमान्य हॉस्पिटलच्या ॲम्बुलन्स, स्वामिनी ॲम्बुलन्स सर्विसेस या सर्व यंत्रणा अपघात स्थळी दाखल होऊन मदत कार्य केले आणि जखमींना रूग्णालयात केले. या मार्गावरील वाहतूक काही काळ विस्कळीत झाली होती . अपघातग्रस्त वाहने बाजूला काढल्यानंतर वाहतूक पूर्वपदावर सुरू झाली.
