अलिबाग (प्रतिनिधी): अलिबाग-रायगड येथे नुकत्याच संचालक मंडळ नागाव हायस्कूल नागाव अलिबागमध्ये ब्लॅक बेल्ट व कलर बेल्ट यांची परीक्षा संपन्न झाली. इंडियन ओकिनावा शोरीन रियू क्युडोकान कराटे-डो इंडियाच्या रायगड व नाशिक जिल्ह्यातील एकूण 38 विद्यार्थ्यांनी परीक्षेसाठी सहभाग घेतला होता.
यामध्ये अलिबाग तालुक्यातील संचालक मंडळ नागाव हायस्कूल, नागाव अलिबाग येथे प्रशिक्षण घेत असलेले. कु.ईशान पराग पोवळे. (नागाव), कु.तनिष तेजू पाटील. (नवेदर बेली) कु.दुर्वा निलेश नाईक. (आक्षी) वरील तिघांनी यशस्वी रित्या ब्लॅक बेल्टची परीक्षेमध्ये उत्तीर्ण झाले. ह्या विद्यार्थ्यांनी जिल्हास्तरीय, विभाग स्तरीय, राज्यस्तरीय, राष्ट्रीय स्तरीय व आंतरराष्ट्रीय या स्पर्धांमध्ये सहभाग घेतला होता. इंडियन ओकिनावा शोरीन रियू क्युडोकान कराटे-डो इंडिया या संस्थेअंतर्गत सातत्याने सराव करीत आहेत. या संस्थेचे प्रशिक्षण नागाव येथे गेली अनेक वर्षे सातत्याने चालू आहे. तशीच यांची शाखा आलिबाग व मुरुड या तालुक्यांमध्ये सातत्याने कराटेचे प्रशिक्षण वर्ग चालू आहेत. सर्व विद्यार्थ्यांना कराटे प्रशिक्षक सिहान.अरुण बोडके सर (मुख्य प्रशिक्षक-भारत) तसेच रेंशी. अरविंद गजानन भोपी सर (मुख्य प्रशिक्षक-रायगड) सेंसाय.प्रसाद प्र.चौलकर (नवी मुंबई) यांचे मार्गदर्शन लाभले. तसेच सेंपाय – राधा संदीप ढापरे, सेंपाय- अनुश्री अरविंद भोपी, आणि सेंपाय- वेद संजय पाटील यांचे देखील सहकार्य लाभले. शाळेचे संचालक, मुख्याध्यापक, कर्मचारी तसेच पालक वर्गाने भरभरून कौतुक करून पुढील वाटचालीसाठी शुभेच्छा दिल्या.
