अलिबाग (प्रतिनिधी) : राज्याचे गृह राज्य मंत्री, महसूल, ग्रामीण विकास व पंचायती राज, अन्न नागरी पुरवठा व ग्राहक संरक्षण तसेच अन्न व औषध प्रशासन विभागाचे राज्यमंत्री मा. ना. योगेश कदम साहेब यांचे अलिबाग नगरीत आगमन झाले. या प्रसंगी त्यांचे उत्साहात स्वागत करण्यात आले.
शिवसेना रायगड जिल्हाप्रमुख राजाभाई केणी यांच्या नेतृत्वाखाली पदाधिकाऱ्यांनी व कार्यकर्त्यांनी पुष्पगुच्छ देऊन मंत्री कदम यांचे हार्दिक स्वागत केले. जिल्ह्यातील विविध विकासकामांची माहिती देत, रायगड जिल्ह्यातील गरजांविषयी राजाभाई केणी यांनी मंत्री कदम यांच्याशी सविस्तर चर्चा केली.
या दौऱ्यात मंत्री योगेश कदम यांनी अलिबाग तालुक्यातील प्रशासनिक कामकाजाची माहिती घेतली. महसूल, अन्न-पुरवठा, ग्राहक संरक्षण यासारख्या विभागांशी संबंधित तक्रारी व मागण्या समजून घेतल्या. त्यांनी अधिकाऱ्यांना जनतेच्या प्रश्नांकडे संवेदनशीलतेने पाहण्याचे निर्देश दिले.
या भेटीत शिवसेना पदाधिकारी, ग्रामपंचायत सदस्य, व्यापारी संघटनांचे प्रतिनिधी आणि ग्रामस्थ मोठ्या संख्येने उपस्थित होते. राजकीय दृष्टिकोनातून ही भेट महत्त्वाची मानली जात असून, रायगड जिल्ह्याच्या विकासासाठी मंत्री कदम यांच्या माध्यमातून नव्या योजनांची अपेक्षा व्यक्त केली जात आहे.
कार्यक्रमाचे आयोजन नेटके असून, स्वागताची शिस्तबद्धता सर्वांच्या कौतुकास पात्र ठरली. राजाभाई केणी व त्यांच्या टीमचे संयोजन विशेष उल्लेखनीय होते.
