रायगड (प्रतिनिधी): वडिलांचा अंतरिम जामीन नामंजूर करून अटक करण्याची भीती दाखवून अटक न करण्यासाठी लाच मागणाऱ्या पनवेल शहर पोलीस ठाण्याचे पोलीस उपनिरीक्षक सचिन वामन वाईकर यांना 50 हजारांची लाच घेताना लाचलुचपत प्रतिबंधक विभाग रायगड यांनी अटक केली आहे . 
तक्रारदार यांचे वडिलांचे विरूद्ध पनवेल शहर पोलीस ठाणे येथे दाखल असलेल्या गुन्हयामध्ये कलम वाढ करून, तक्रारदार यांचे वडिलांचा अंतरिम जामिन नामंजूर करून त्यांना अटक करेन अशी भिती घालत होता.अटक न करणेकरीता लोकसेवक सचिन वामन वाईकर, पोलीस उप निरीक्षक, पनवेल शहर पोलीस ठाणे हे १,००,०००/- रूपयांची मागणी केली होती. याबाबत २१/०७/२०२५ रोजी तकार प्राप्त झाली होती.
तक्रारदार यांनी दिलेल्या तक्रारीच्या अनुषंगाने पडताळणीच्या वेळी दि. २१/०७/२०२५ रोजी १४ – २३ ते १५ २१ वा.चे दरम्यान लोकसेवक सचिन वामन वाईकर यांनी पंचासमक्ष एमएसईबी कार्यालयासमोर, उरण नाका, पनवेल येथे तक्रारदार यांचेकडे रू.१,००,०००/- लाचेची मागणी करून, तडजोडीअंती ५०,०००/- रूपये लाचेची रक्कम स्विकारण्याचे मान्य केल्याचे पडताळणी दरम्यान निष्पन्न झाले आहे.
त्यानुसार दिनांक २१/०७/२०२५ रोजी मारूती कुशन, शिवाजी चौक, जुना पनवेल येथे सापळा आयोजित केला असता, लोकसेवक सचिन वामन वाईकर, पोलीस उप निरीक्षक पनवेल शहर पोलीस ठाणे यांनी मागणी केल्याप्रमाणे लाचेची रक्कम रू.५०,०००/- लोकसेवक सचिन वाईकर यांनी त्यांचे व्हॅगन आर कारमध्ये खाजगी इसम रविंद्र उर्फ सचिन सुभाष बुट्टे, वय – ३० वर्षे, रा. करंजाडी, सेकट-१, पनवेल, ता. पनवेल, जि. रायगड यांचेमार्फत स्वीकारल्याने दिनांक २१/०७/२०२५ रोजी २२ -३० वा. लोकसेवक सचिन वाईकर व खाजगी इसम रविंद्र बुट्टे यांना रंगेहाथ पकडण्यात आले आहे. आरोपी लोकसेवक यांच्याविरूध्द गुन्हा दाखल करण्याची प्रक्रिया सुरू आहे.
शिवराज पाटील, पोलीस अधीक्षक, अॅन्टी करप्शन ब्युरो, ठाणे परिक्षेत्र, ठाणे संजय गोविलकर, अपर पोलीस अधीक्षक, अॅन्टी करप्शन ब्युरो, ठाणे परिक्षेत्र, ठाणे सुहास शिंदे, अपर पोलीस अधीक्षक, अॅन्टी करप्शन ब्युरो, ठाणे परिक्षेत्र, ठाणे सरिता भोसले, पोलीस उप अधीक्षक, अॅन्टी करप्शन ब्युरो, रायगड, अलिबाग निशांत धनवडे, पोलीस निरीक्षक, अॅन्टी करप्शन ब्युरो, रायगड, अलिबागयांच्या मार्गदर्शनाखाली सापळा रचण्यात आला.
सापळा पथकामध्ये सरिता भोसले, पोलीस उप अधीक्षक, अॅन्टी करप्शन ब्युरो, रायगड, अलिबाग निशांत धनवडे, पोलीस निरीक्षक, अॅन्टी करप्शन ब्युरो, रायगड-अलिबाग विनोद जाधव, सहा फौजदार, अॅन्टी करप्शन ब्युरो, रायगड-अलिबाग महेश पाटील, पो.ह. / २१८०, अॅन्टी करप्शन ब्युरो, रायगड-अलिबाग नवदीत नांदगांवकर, पोशि/ २३३५, अॅन्टी करप्शन ब्युरो, रायगड-अलिबागयांचा समावेश होता.
लाचलूचपत प्रतिबंधक विभागातर्फे नागरीकांना अवाहन करण्यात येते की, भ्रष्टाचारासंबंधी काही माहिती अगर लाच मागणा-या लोकसेवकाबद्दल तक्रार असल्यास लाचलुचपत प्रतिबंधक विभाग यांचेशी संपर्क करावा.असे आवाहन करण्यात आले आहे
