रायगड जिल्ह्यातील ग्रामविकासाच्या क्षेत्रात नवचैतन्य घेऊन येणाऱ्या आणि सर्वात तरुण सरपंच म्हणून नावारूपाला आलेली हर्षदा मयेकर यांची कार्यपद्धती सध्या चर्चेचा विषय ठरत आहे. वयाच्या अवघ्या पंचविशीत ग्रामपंचायतीच्या नेतृत्वाची जबाबदारी स्वीकारणाऱ्या हर्षदा यांनी केवळ राजकीयच नव्हे तर सामाजिक पातळीवरही आपल्या कामगिरीचा ठसा उमटवला आहे.
तिने सरपंच पद मिळवून केवळ युवा नेतृत्वाचं उदाहरण घालून दिलं नाही, तर पारंपरिक राजकारणाला नवी दिशा देण्याचा प्रयत्नही केला आहे. लोकसहभाग, पारदर्शकता, महिला सक्षमीकरण आणि पर्यावरणपूरक उपक्रमांवर त्यांचा भर राहिला आहे. गावात स्वच्छता मोहीम, झाडे लावा अभियान, जलसंवर्धनाचे उपक्रम तसेच महिला बचतगटांना प्रोत्साहन अशा विविध उपक्रमांतून हर्षदा मयेकर यांचं नाव पुढे आलं आहे.
त्यांचा आत्मविश्वास, सडेतोड बोलण्याची शैली, आणि सामाजिक माध्यमांवरील सक्रियता यामुळे त्यांना “डॅशिंग सरपंच” म्हणून ओळख मिळाली आहे. गावकऱ्यांमध्ये त्यांनी विश्वासाची भावना निर्माण केली असून निर्णय प्रक्रियेत पारदर्शकता ठेवण्यावर त्यांचा भर असतो.
हर्षदा मयेकर यांचं नेतृत्व हे ग्रामीण भागातील तरुणांना राजकारणात पुढे येण्यासाठी एक प्रेरणास्थान ठरत आहे. नव्या दमाच्या नेतृत्वाने गावाचा चेहरामोहरा बदलू शकतो, याचा आदर्श उदाहरण म्हणजे अलिबाग नागाव ची सरपंच हर्षदा मयेकर.
