माणगाव (प्रतिनिधी): ट्युबक्राफ्ट प्रोसीजन प्रायव्हेट लिमिटेड या कंपनीतील सुमारे ३३.१० लाख रुपये किमतीच्या मशिनरी आणि वायर चोरणाऱ्या टोळीचा छडा लावण्यात माणगाव पोलिसांना यश आले आहे. या प्रकरणी सहा आरोपींना अटक करण्यात आली असून ३७.९० लाख रुपये किमतीचा मुद्देमाल हस्तगत करण्यात आला आहे.
प्रकरणाचा तपशील
दि. २२ फेब्रुवारी २०२५ रोजी कंपनीचे शटर तोडून आत प्रवेश करत मोठ्या प्रमाणात मशिनरी चोरी केल्याची फिर्याद माणगाव पोलिसात दाखल झाली होती. यावरून भादंवि २०२३ कलम ३३१(१)(२), ३०५(अ), ३२४(४)(५), ३(५) नुसार गुन्हा दाखल करण्यात आला होता.
गोपनीय माहिती, तांत्रिक व वैज्ञानिक तपासाच्या आधारे चोरीतील आरोपींचा तपास लावण्यात आला. आरोपींनी डिसेंबर २०२४ ते फेब्रुवारी २०२५ दरम्यान तीन महिन्यांत शटर उचकटून महागड्या कॉपर, अ‍ॅल्युमिनियम वायर, वेल्डिंग व टूलिंग मशिनरी चोरी केली होती.
अटक करण्यात आलेले आरोपी :
1. मंगेश रविंद्र पवार (रा. पाथरशेत, रोहा)
2. विकास दत्ता पवार (रा. दिघेवाडी, सुधागड)
3. समीर भिम पवार (रा. काजुवाडी, सुधागड)
4. दिनेश उर्फ बबलू बबन घोगरेकर (रा. पाथरशेत, रोहा)
5. आकाश हरीशचंद्र पवार (रा. पाथरशेत, रोहा)
6. चंद्रकांत इक्का जाधव (रा. पाथरशेत, माणगाव)
पोलिसांची कसून तपास मोहीम :
रोहा, कोलाड, पाली व महाड परिसरात तपास करत आरोपींना अटक करण्यात आली.
आरोपींच्या गुन्हेगारी नोंदी :
आकाश पवार याच्यावर ३ गुन्हे मंगेश पवार याच्यावर वनसंरक्षण अधिनियमान्वये गुन्हा दिनेश घोगरेकर याच्यावर गंभीर कलमांखाली गुन्हे दाखल आहेत.
कामगिरीचे नेतृत्व व मार्गदर्शन :
ही कारवाई पोलीस अधीक्षक आँचल दलाल, अपर पोलीस अधीक्षक अभिजित शिवधरे, उपविभागीय अधिकारी पुष्कराज सूर्यवंशी यांच्या मार्गदर्शनाखाली पोलीस निरीक्षक निवृत्ती बो-हाडे व त्यांच्या पथकाने केली.
माणगाव पोलिसांच्या या यशस्वी कारवाईने स्थानिकांमध्ये समाधान व्यक्त होत असून, गुन्हेगारीला चाप लावण्यास मदत झाली आहे.
