रायगड (प्रतिनिधी): जिल्ह्यातील काही महत्त्वाच्या रस्त्यांवरील पूल व स्लॅब कलवर्ट संरचनात्मकदृष्ट्या धोकादायक स्थितीत असल्याचे निदर्शनास आल्यानंतर जिल्हाधिकारी किशन जावळे यांनी त्या पुलांवरून अवजड वाहनांच्या वाहतुकीवर तात्काळ बंदी घालणारा आदेश जारी केला आहे.
Vijna Consulting Engineers Pvt. Ltd. या संस्थेमार्फत करण्यात आलेल्या स्ट्रक्चरल ऑडिट अहवालानुसार अलिबाग-रोहा, अलिबाग-रेवदंडा, पोयनाड-उसर-भादाणे व भाकरवड-देहेन या मार्गांवरील एकूण ८ पुलांची भार क्षमता अत्यल्प (५ ते १६ टन) असल्याचे स्पष्ट झाले.
वाहतूक बंद असलेले पूल
अ.क्र. पुलाचे नाव / क्रमांक रस्त्याचे नाव भार क्षमता
1. रामराज पुल (20/340) अलिबाग-रोहा रा.मा. 91, 5 टन
2. स्लॅब कलवर्ट (21/680) अलिबाग-रोहा रा.मा. 91, 5 टन
3. स्लॅब कलवर्ट (22/250) अलिबाग-रोहा रा.मा. 91, 5 टन
4. सुडकोली पुल (26/260) अलिबाग-रोहा रा.मा. 91, 5 टन
5. सुडकोली पुल (26/540) अलिबाग-रोहा रा.मा. 91, 5 टन
6. सहाण पुल (2/100) अलिबाग-रेवदंडा प्र.रा.मा. 04, 16 टन
7. नवेदर बेली पुल (26/900) पोयनाड-उसर-भादाणे रा.मा. 90, 5 टन
8. देहेन पुल (1/100) भाकरवड-देहेन प्र.जि.मा. 29, 5 टन
अवजड वाहतूक वळविण्यासाठी प्रशासनाने खालील पर्यायी मार्ग उपलब्ध करून दिले आहेत.
अ.क्र. 1 ते 5 साठी: अलिबाग – पेझारी नाका – कुडूस – वेलशेत – आंबेघर – भिसे खिंड मार्गे रोहा
अ.क्र. 6 व 7 साठी: अलिबाग – उसर – वावे मार्गे रेवदंडा
अ.क्र. 8 साठी: पांडवा देवी – पोयनाड – पेझारी – श्रीगाव मार्गे देहेन.
पावसाळ्यामुळे पूल अधिक असुरक्षित झाल्याने वाहनचालकांनी व ट्रान्सपोर्ट संस्थांनी प्रशासनाच्या आदेशाचे काटेकोर पालन करावे. अपघात टाळण्यासाठी व जनतेच्या सुरक्षेच्या दृष्टीने ही कार्यवाही करण्यात आली आहे.
सदर आदेश पुढील आदेश येईपर्यंत लागू राहणार असून, नियमभंग करणाऱ्यांविरोधात कडक कारवाई करण्यात येईल असे जिल्हाधिकारी किशन जावळे यांनी कळविले आहे.
