खोपोली रायगड:भारतीय जनता पार्टीच्या खोपोली शहर अध्यक्ष पदी राहुल सखाराम जाधव यांची नुकतीच निवड करण्यात आली आहे
संघटनात्मक निवडणुका लोकशाही पद्धतीने महाराष्ट्र राज्यात मुख्यमंत्री देवेंद्र फडणवीस, प्रदेश अध्यक्ष चंद्रशेखर बावनकुळे, कार्यकारी अध्यक्ष रविंद्र चव्हाण यांच्या नेतृत्वाखाली नुकताच पार पडल्या.
२१ एप्रिल २०२५ रोजी सायंकाळी ५:३० वाजता खोपोली शहर भाजपचे निवडणूक प्रमुख सुनील घरत यांनी या निवडीची संपूर्ण प्रक्रिया पूर्ण करून भाजप उत्तर रायगड जिल्हाध्यक्ष अविनाश कोळी, जिल्हा सरचिटणीस दिपक बेहेरे, जिल्हा उपाध्यक्ष विठ्ठल मोरे, भाजप महिला मोर्चा जिल्हाध्यक्षा अश्विनी ताई पाटील, भाजप किसान मोर्चा जिल्हाध्यक्ष अतुल बडगुजर, मावळते शहर अध्यक्ष रमेश रेटरेकर यांच्या उपस्थितीत भाजप मध्यवर्ती कार्यालय खोपोली येथे राहुल जाधव यांच्या नावाची घोषणा केली. राहुल जाधव यांच्या शहर अध्यक्ष निवडीची घोषण होताच भाजप कार्यकर्त्यांनी फटाक्यांची आतिश बाजी करत ढोल ताशांच्या गजरात पेढे वाटप करत मोठा जल्लोष केला.
राहुल जाधव यांना आपल्या कामांच्या जोरावर आपली एक वेगळी ओळख निर्माण केली आहे. खोपोली नगरपरिषदेचे माजी उपनगराध्यक्ष स्वर्गीय सखाराम जाधव यांचा सामाजिक व राजकीय वारसा ते समर्थ पणे पुढे चालवत आहे. पक्ष संघटनेच्या कामात, कार्यक्रमात, आंदोलनात अग्रेसर असणारे राहुल जाधव यांचे सर्वत्र अभिनंदन करण्यात येत आहे. राष्ट्र प्रथम, नंतर पक्ष आणि शेवट स्वतः या ब्रिद वाक्य प्रमाणे, जात धर्म पंथ न मानता सर्वसामान्य कार्यकर्त्यांचा असलेल्या पक्षाने माझ्या सारख्या कार्यकर्त्याला हि मोठी जवाबदारी दिली आहे. सर्वांना बरोबर घेऊन पक्ष संघटनेची चांगली मोट बांधून, खोपोली शहरात पक्ष बळकट करणे, कार्यकर्त्यांची चांगली फळी निर्माण करून आगामी नगर परिषद निवडणूक संपूर्ण ताकतीने भाजप पक्ष लढेल असे राहुल जाधव यांनी या प्रसंगी सांगितले.
खोपोली शहर अध्यक्ष पदी निवड व माझावर विश्वास दर्शवल्या बद्दल आमदार प्रशांत दादा ठाकूर, भाजप उत्तर रायगड जिल्हाध्यक्ष अविनाश कोळी, जिल्हा सरचिटणीस दिपक बेहेरे, प्रकाश बिनेदार, जिल्हा उपाध्यक्ष तथा खोपोली शहर भाजपचे निवडणूक प्रमुख सुनील घरत, भाजप महिला मोर्चा जिल्हाध्यक्षा अश्विनी ताई पाटील व जिल्हा कोर कमिटीचे तसेच खोपोली भाजप पदाधिकारी, कार्यकर्ते, शक्ती केंद्र प्रमुख, बूथ अध्यक्ष यांचे नवनिर्वाचीत अध्यक्ष राहुल जाधव यांनी सर्वांचे मनःपूर्वक आभार मानले. या निवड प्रक्रियेचा कार्यक्रमा साठी सरचिटणीस अजय इंगुळकर, उपाध्यक्ष विकास नाईक, महिला मोर्चा अध्यक्षा अश्विनी अत्रे, अपर्णा साठे, युवा मोर्चा अध्यक्ष निकेत पाटील, माजी नगरसेविका अपर्णा मोरे, रामभाऊ पवार, कृष्णा पाटील, प्रमोद पिंगळे, अनिल कर्णुक, संजय म्हात्रे, हिम्मतराव मोरे, किर्ती ओसवाल, राजेंद्र शेट्टे, हेमंत भाटिया, प्रिन्सी कोहली, सुरेंद्र जाधव, ऋषी म्हात्रे, रोहित साठे, पियूष महर्षी, शाह, महेश पाटील, प्रमोद वाघ, जयवंत वाघ, संदेश आभानी, सुमिता महर्षी,विमल गुप्ते, विभावरी पाठक, सीमा मोगरे, भारती शहा, हेमा कर्णुक,मीना सिंगाला, प्रल्हाद अत्रे, ललित वेदक, जितू घेलोत, विश्व हिंदू परिषदेचे रुपेश मिस्त्री, रवींद्र जैन, रवी राणावत, भावेश लोखंडे व बहुसंख्येने भाजप पदाधिकारी व कार्यकर्ते उपस्थित होते.
