सोगाव (अब्दुल सोगावकर) :अलिबाग तालुक्यातील मुनवली येथील सामाजिक कार्यकर्ते सचिन घाडी व घाडी बंधू यांच्या वतीने मुनवली, सोगाव येथील हनुमान मंदिरात शुक्रवार दि. ५ सप्टेंबर रोजी संध्याकाळी ७ वाजता शिक्षक दिनानिमित्त मान्यवरांच्या हस्ते सोगाव उर्दू अंगणवाडी सेविका रिजवाना मुल्ला, मदतनीस सुरय्या सय्यद, उर्दू हायस्कूल शिक्षिका तहसीन तडमुड, नेहा कांबळे(घोडपकर), अदिती हरवडे, कृतिका कदम, अक्षता कदम, इकरा कुर, फर्जाना कुर, अरबीना वाकनिस, अमरीन कुर, शिक्षक शैलेश तिर्लोटकर, अजित हरवडे आदी शिक्षकांचा यथोचित सन्मान करण्यात आला.
सामाजिक कार्यकर्ते सचिन घाडी व घाडी बंधू दरवर्षी आपल्या परिसरातील सर्व शिक्षकांचा न चुकता सन्मान करत असतात. याहीवर्षी त्यांनी शिक्षकांचा सन्मान सोहळा कार्यक्रम आयोजित केला होता. यावेळी मान्यवरांसह उपस्थित शिक्षक अजित हरवडे यांनी आपले मनोगत व्यक्त करताना विद्यार्थ्यांना अनमोल असे मार्गदर्शन केले, तसेच हा सन्मान सोहळा दरवर्षी साजरा करण्यासाठी नेहमीच पुढाकार घेणारे सामाजिक कार्यकर्ते सचिन घाडी व घाडी बंधू यांचे विशेष कौतुक केले. या कार्यक्रमाच्या शेवटी कार्यक्रमाचे अध्यक्ष प्रकाश वडे यांनी सांगितले की, दरवर्षी शिक्षक दिनानिमित्त सामाजिक कार्यकर्ते सचिन घाडी व घाडी बंधू यांच्यावतीने शिक्षकांचा सन्मान केला जातो आहे, असे कार्यक्रम आयोजित करून आपण शिक्षकांचे मनोबल वाढवत त्याचा सन्मान करत आहात, हे खूपच कौतुकास्पद आहे. आपण यापूर्वी सामाजिक, शैक्षणिक, आरोग्य, सांस्कृतिक, क्रीडा आदी समाजपयोगी व लोकोपयोगी कार्यक्रम आयोजित केले होते, तेसुद्धा कौतुकास्पद आहे. आपण असेच कार्यक्रम आयोजित करून आपल्या परिसरातील सर्व समाजाचा विकास करून एका उत्तम शिखरावर न्याल, अशी अपेक्षा व्यक्त केली.
यावेळी ज्येष्ठ समाजसेवक प्रकाश वडे यांच्यासह रायगड जिल्हा काँग्रेस पक्षाचे अल्पसंख्याक उपाध्यक्ष लाईक कप्तान, ज्येष्ठ नागरिक दिलीप मोंढे, नंदकुमार म्हात्रे, अरविंद मसुरकर, सूर्यकांत भऊड, रुस्तुम कुर, सामाजिक कार्यकर्ते सतीश घाडी, सचिन घाडी, मापगाव ग्रामपंचायतीच्या माजी सदस्या सानिका घाडी, संतोष बांद्रे, प्रविण घाडी, महेश नागावकर, संदेश करमेळे, रहूफ कुर, मुनावर कुर, निकेश अनमाने, नितेश ठकरूळ, मयूर अनमाने, प्रतीक अनमाने, सुयोग अनमाने, जयेश हाके, वेदिका मोंढे, म्हात्रे काकी यांच्यासह परिसरातील विद्यार्थी व ग्रामस्थ मोठ्या संख्येने उपस्थित होते.
