अलिबाग (प्रतिनिधी): झेप फाऊंडेशनच्या वतीने माजी राज्यमंत्री स्व. मीनाक्षीताई पाटील यांच्या ७८ व्या जयंतीनिमित्त जिल्हास्तरीय भव्य वक्तृत्व स्पर्धेचे आयोजन करण्यात आले. स्पर्धेचे उद्घाटन स्व. मीनाक्षीताई यांच्या प्रतिमेस पुष्पहार अर्पण करून अभिवादन करण्यात आले. त्यानंतर उपस्थित मान्यवरांनी त्यांच्या कार्याचा स्मरणोत्सव साजरा करत त्यांच्या समाजहितासाठी केलेल्या योगदानाला उजाळा दिला.
स्पर्धेत विद्यार्थ्यांनी उत्साहाने सहभाग नोंदवत उत्कृष्ट वक्तृत्व सादर केले. या स्पर्धेचा निकाल खालीलप्रमाणे जाहीर करण्यात आला –
प्रथम क्रमांक – सानिका शरद घरत,
द्वितीय क्रमांक – अमोल रामचंद्र गोळे,
तृतीय क्रमांक – लक्ष्मण विठ्ठल कचरे,
उत्तेजनार्थ – श्रावण वामन कदम आणि शैलेश बाळकृष्ण कोंडसकर यांना बक्षीस देण्यात आले.
कार्यक्रमास जिल्ह्यातील अनेक मान्यवर उपस्थित होते. त्यामध्ये मा. खासदार धैर्यशील पाटील, आमदार प्रशांत ठाकूर, आमदार पंडितशेठ पाटील, डॉ. सौ. चित्राताई पाटील, ॲड. महेश मोहिते,ॲड.आस्वाद पाटील, हेमाताई मानकर, सवाई पाटील, प्रीती पाटील, रश्मी वाजे, वंदना म्हात्रे, स्मिता पाटील, कुंदा गावंड यांसह महिला मोर्चा व स्थानिक कार्यकर्ते मोठ्या संख्येने उपस्थित होते.
याशिवाय ॲड मनस्वी मोहिते समर्थ फाऊंडेशनच्या संस्थापक आणि कार्यकारिणी सदस्य मेघा पाटील, अश्विनी खरे, प्रतिभा भगत, प्रगती पाटील, रुपाली देवगिरकर, हर्षदा आंबवले यांचाही सहभाग लाभला. उपस्थित मान्यवरांनी विद्यार्थ्यांचे कौतुक करून त्यांच्या पुढील वाटचालीस शुभेच्छा दिल्या. हा कार्यक्रम शिक्षणासोबत समाजहिताची जाणीव वाढवणारा ठरला असून स्व. मीनाक्षीताई यांच्या कार्याला खऱ्या अर्थाने श्रद्धांजली ठरला.
