अलिबाग (प्रतिनिधी): भारतीय जनता पार्टी दक्षिण रायगड जिल्हा कार्यकारिणीची बैठक अलिबाग पेझारी येथे नुकतीच उत्साहात आणि यशस्वीरीत्या पार पडली. या बैठकीस जिल्हाध्यक्ष धैर्यशील पाटील यांच्या नेतृत्वाखाली मोठ्या संख्येने कार्यकर्ते उपस्थित होते. लोकसभा प्रमुख सतिश धारप, कोकण सहकार आघाडी सहसंयोजक गिरीश तुळपुळे, कोकण संवादक अभिजित पेडणेकर यांसह डॉ. चित्रा आस्वाद पाटील महिला मोर्चा जिल्हाध्यक्ष, सरचिटणीस गीताताई पालरेचा, मंजुषा कुद्रीमोती, उपाध्यक्ष वैकुंठशेठ पाटील, सोपान जांभेकर, मा. जि.प. अध्यक्ष निलीमाताई पाटील, ॲड.आस्वाद पाटील, जिल्हा सरचिटणीस ॲड. महेश मोहिते, प्रशांत शिंदे, मिलिंद पाटील, बिपिनदादा महामुणकर, उपाध्यक्षा श्रेया कुंटे, उपाध्यक्ष नाना महाले तसेच सर्व मंडल अध्यक्ष आणि कार्यकर्ते मोठ्या उत्साहाने सहभागी झाले.
बैठकीत पक्षाच्या संघटनात्मक बळकटीसाठी विविध योजना आणि कार्यक्रमांवर सविस्तर चर्चा करण्यात आली. आगामी निवडणुकीसाठी प्रभावी रणनीती आखण्यात आली. पक्षविस्तार आणि नव्या कार्यकर्त्यांचा समावेश करण्यासाठी विशेष मोहीम राबवण्याचा निर्णय घेण्यात आला. महिलांसाठी आणि युवकांसाठी विविध उपक्रमांचे नियोजनही करण्यात आले. उपस्थित कार्यकर्त्यांनी उत्स्फूर्तपणे भाग घेत आपले विचार मांडले.
बैठकीच्या यशाबद्दल सर्व पदाधिकाऱ्यांनी समाधान व्यक्त केले. कार्यकर्त्यांच्या सहभागामुळे बैठकीला ऊर्जितावस्था प्राप्त झाली आणि पक्षाची ताकद वाढवण्याचा दृढ निश्चय करण्यात आला. दक्षिण रायगड जिल्ह्यात पक्षाची पुढील वाटचाल अधिक प्रभावी आणि समन्वित राहील, असा विश्वास या वेळी व्यक्त करण्यात आला. जिल्ह्यातील कार्यकर्त्यांमध्ये नवचैतन्य निर्माण करणारी ही बैठक ठरली.
