रायगड जिल्ह्यातील अलिबाग तालुक्यातील बोरपाडा येथील रहिवासी व देवा ग्रुप फाऊंडेशन आरोग्य विभागाचे कोकण प्रदेश सचिव अँड. विश्वनाथ धर्मा भगत यांना युवा महाराष्ट्र फाऊंडेशनमार्फत “महाराष्ट्र भूषण पुरस्कार २०२५” नुकताच प्रदान करण्यात आला. हा सन्मान सिने अभिनेत्री हर्षिता ठाकुर, डॉ. अविनाश सकुंडे, रवी अग्रवाल व गणेश विटकर यांच्या हस्ते देण्यात आला.
विश्वनाथ भगत यांनी रायगड, रत्नागिरी, सिंधुदुर्ग व मुंबईतील गोरगरीब रुग्णांना मोफत उपचार व शस्त्रक्रिया उपलब्ध करून दिल्या आहेत. तसेच विद्यार्थ्यांना शैक्षणिक मदत करून समाजात सकारात्मक बदल घडवण्यासाठी कार्यरत आहेत.
“सेवा हीच खरी प्रतिष्ठा” या तत्त्वावर काम करणारे अँड. भगत विविध सामाजिक संस्थांशी जोडलेले असून त्यांच्या कार्याची सर्वांनी प्रशंसा केली. त्यांच्या पुढील वाटचालीस मान्यवरांनी शुभेच्छा दिल्या.
