या मोर्चाच्या माध्यमातून दिव्यांग बांधवांनी रोजगाराच्या संधी, शिक्षणातील आरक्षण, आरोग्य सुविधा तसेच शासकीय योजनांचा लाभ सर्वांपर्यंत पोहोचविण्याची मागणी केली. त्यांच्या दैनंदिन जीवनातील अडचणी लक्षात घेऊन शासनाने तातडीने पावले उचलावीत, अशी अपेक्षा या वेळी व्यक्त करण्यात आली.
पंडितशेठ पाटील यांनी या आंदोलनाला भेट देऊन दिव्यांगांच्या समस्या प्रत्यक्ष ऐकून घेतल्या. त्यांनी सांगितले की, “दिव्यांग बांधवांच्या अडचणी सोडवणे ही आपली सामाजिक जबाबदारी आहे. शासन स्तरावर याबाबत गांभीर्याने पाठपुरावा करून न्याय मिळवून देण्याचा मी प्रयत्न करेन.”
मोर्चात शेकडो दिव्यांग सहभागी झाले होते. प्रशासनाने त्यांच्या मागण्यांकडे सकारात्मक दृष्टीकोनातून पाहून त्वरित निर्णय घ्यावा, अशी एकमुखाने मागणी करण्यात आली. या आंदोलनामुळे दिव्यांगांच्या प्रश्नांकडे अधिक गांभीर्याने पाहिले जाईल, अशी अपेक्षा उपस्थितांनी व्यक्त केली.
