खोपोली रायगड : खालापूर तालुक्यातील ४५ ग्रामपंचायत सरपंच पदाचे आरक्षण आज उपविभागीय अधिकारी प्रकाश संकपाळ यांच्या उपस्थितीत जाहीर करण्यात आले.
खालापूर तालुक्यातील ४५ ग्रामपंचायत पैकी ४० ग्राम पंचायत यांच्या निवडणुका मागील दोन वर्षांत पूर्ण झाल्या असून उर्वरित ५ ग्राम पंचायत यांचे आरक्षण रद्द करण्यात आले आहे. हे थेट सरपंच पदाचे आरक्षण सन २०२५ ते २०३० या कालावधीत होणाऱ्या ग्राम पंचायत निवडणुकीसाठी आहे. ग्रुप ग्रामपंचायत साजगाव येथे अनुसूचित जाती महिला तर तुपगाव हे अनुसूचित जाती खुल्या साठी राखीव ठेवण्यात आली आहे. अनुसूचित जमाती साठी बोरगाव खुर्द, कलोते, वावर्ले,नारंगी,जांबरुंग तर महिला अनुसूचित जमाती साठी वरोसे, माडप,उंबरे,दुरशेत, वावोशी या पाच ग्राम पंचायत यांची सोडत निघाली आहे.तर नागरिकांच्या मागास प्रवर्गातून सर्व साधारण चावणी,ठाणेन्हावे, इसांबे, नदनपाडा,देवन्हावे, जांभीवली तर महिला नागरीकांच्या प्रवर्गासाठी टेंभरी, तांबाटी, होनाड,चांभारली,शिरवली, वडगांव या सहा ग्राम पंचायत यांची सोडत निघाली आहे. सर्व साधारण मधून २१ सरपंच पदाचे आरक्षण जाहीर करण्यात आले असून यात सर्व साधारण महिलांसाठी बिडखुर्द, आसरे, नावंढे, वावंढळ,माणकिवली, हाल खुर्द,सावरोली,वडवळ, गोरठण बुद्रुक व कुंभिवली या दहा ग्राम पंचायत यांची सोडत निघाली.खानाव,खरीवली, लोधीवली,आपटी, नडोदे,चौक, होराले, आतकरगाव,चिलठण, माजगाव, वासंबे या ग्रामपंचायत सर्वसाधारण जागेसाठी आरक्षण जाहीर करण्यात आले. यावेळी तालुक्यातील पक्षाचे अनेक आणि सरपंच पदाचे दावेदार उपस्थित होते. तर अनेकांनी या आरक्षणावर आक्षेप घेतले,यावेळी आपले म्हणणे लेखी द्या, संबंधित अधिकारी यांच्याकडे ते पाठविण्यात येतील असे उप विभागीय अधिकारी प्रकाश संकपाळ यांनी सांगितले. आरक्षणाच्या चिठ्ठी कुमार अर्णव सावंत यांनी काढल्या. यावेळी तहसीलदार अभय चव्हाण, गटविकास अधिकारी संदीप कराड, निवासी नायब तहसीलदार सुधाकर राठोड, नायब तहसीलदार विकास पवार, गट शिक्षण अधिकारी कैलास चोरमले यांच्यासह तलाठी, ग्रामसेवक, कार्यकर्ते उपस्थित होते.
