माणासाने चागंले काम केले पाहिजे. चांगल्या कामासाठी चागंल्या माणसांनी एकत्र यायला हवे. चांगल्या माणसांनी एकत्र येऊन चागंले काम केले नाही तर इतरांची शक्ती वाढेल. चांगली माणसे स्वस्थ बसल्यामुळे समाजाचे नुकसान होते, असे यजुर्वेंद्र महाजन म्हणाले.
जे बनायच ठरवाल तेच तुम्ही बनाल इतकी ताकद तुमच्यात आहे. त्यामुळे काय करायचे ते ठरवा. एक ध्येय्य निश्‍चित करा. त्याला अपल्या जीवनाचा अविभाज्य घटक बनवा. रचनात्मक कार्य करा , त्यासाठी नियोजन करा. चांगले काम करा चांगल्या कामाचे चांगले फळ मिळतेच, असे यजुर्वेंद्र महाजन म्हणाले.
आपल्या व्याख्यानात दीपस्तंभ फाऊंडेशन दिव्यांग , अनाथ व ट्रान्सजेंडर मुलांसाठी करत असलेल्या कामाची माहिती त्यांनी दिली. रायगडमधील ज्या दिव्यांग व अनाथ मुलांना शैक्षणिक मदत हवी असेल त्यांना दीपस्तंभतर्फे मदत करू असे आश्‍वासन यजुर्वेंद्र महाजन यांनी यावेळी दिले.
पतसंस्था चालवणे सोपे नाही. आदर्श नागरी पतसंस्था आपल्या नावा प्रमाणे काम करत आहे. त्यामुळेच आदर्श नागरी सहकारी पतसंस्थेवर ग्राहकांचा विश्वास आहे असे प्रशंसोउदगार यजुर्वेंद्र महाजन यांनी काढले.
आदर्श नागरी पतसंस्थेतर्फे दीपस्तंभ फाऊंडेशन, जळगाव ला आर्थिक मदत म्हणून एक लाख रुपयांचा धनादेश आदर्श नागरी पतसंस्थेचे संस्थापक सुरेश पाटील यांनी यजुर्वेंद्र महाजन यांच्याकडे सुपूर्द केला. यावेळी आदर्श नागरी सहकारी पतसंस्थेचे अध्यक्ष अभिजित पाटील, संचालक सतीश प्रधान, महेश चव्हाण, संजय राऊत, एड. वर्षा शेठ, श्रीकांत ओसवाल , एड. रेश्मा पाटील, विलाप सरतांडेल डॉ. मकरंद आठवले , मुख्य कार्यकारी अधिकारी मीनाक्षी पाटील आदि मान्यवर यावेळी उपस्थित होेते. संस्थेचे अधिकारी श्री उमेश पाटील यांनी सुत्रसंचालन केले.
