अलिबाग (प्रतिनिधी): अलिबाग नगरपरिषदेच्या माजी नगराध्यक्षा व लोकप्रिय समाजसेविका सौ. सुनिता नाईक यांचा वाढदिवस अलिबागमध्ये उत्साहात साजरा करण्यात आला. या प्रसंगी अनेक मान्यवर, सामाजिक कार्यकर्ते व नागरिकांनी त्यांना शुभेच्छांचा वर्षाव केला.
अलिबाग आर्बन बँकेच्या चेअरमन सौ. सुप्रिया पाटील यांनी सुनिता नाईक यांना भेटून मनःपूर्वक शुभेच्छा दिल्या. तसेच नगरविकास क्षेत्रात त्यांचे योगदान नेहमीच मार्गदर्शक ठरले असल्याचे गौरवोद्गार काढले. अलिबागचे माजी नगराध्यक्ष श्री. प्रशांत नाईक यांनीही आपल्या मातोश्रींना वाढदिवसानिमित्त शुभेच्छा देत दीर्घायुष्य व उत्तम आरोग्याची कामना केली.
सुनिता नाईक यांनी आपल्या नगराध्यक्ष पदाच्या कार्यकाळात अलिबाग शहराच्या विकासासाठी उल्लेखनीय कामे केली आहेत. स्वच्छता मोहिम, पायाभूत सुविधा विकास, महिला बचतगटांना चालना तसेच नागरिकांच्या अडचणींना तत्परतेने प्रतिसाद देणे या कामगिरीमुळे त्यांचे नाव आदराने घेतले जाते. समाजकारणात त्यांनी दाखविलेली कार्यतत्परता व जिद्द यामुळे त्यांना “अलिबागच्या लाडक्या आई” म्हणून विशेष ओळख मिळाली आहे.
त्यांच्या वाढदिवसानिमित्त सामाजिक, शैक्षणिक व विविध क्षेत्रातील मान्यवरांनी शुभेच्छा देऊन त्यांना उज्ज्वल व यशस्वी आयुष्याच्या शुभेच्छा दिल्या. या प्रसंगी कुटुंबीय व कार्यकर्त्यांची मोठ्या संख्येने उपस्थिती होती.
