आमदार महेंद्र दळवी यांची देवीसमोर तुला ……  जिल्हा प्रमुख राजा केणी यांची नवसपूर्ती 

शेतकरी कामगार पक्षाची सत्ता उलथवून लावून महेंद्र दळवी यांना सर्वप्रथम आमदार करण्यात राजाभाई केणी यांनी दिवसरात्र मेहनत घेतली होती. त्यांचा बहुमताने विजय व्हावा यासाठी सहा वर्षीपुर्ण केलेली प्रार्थना पुर्ण झाली होती. तेव्हाही त्यांनी स्वप्नपुर्ती सोहळा मोठ्या धुमधडाक्यात साजरा केला होता. आ. महेंद्र दळवीचा पुन्हा बहुमताने विजय होण्यासाठी शिवसेना जिल्हा प्रमुख राजाभाई केणी, कुसुंबळे ग्रामपंचायतीच्या माजी उपसरपंच रसिकाताई केणी यांनी आई भवानीच्या चरणी प्रार्थना केली होती. या प्रार्थनेला यश आले असून आ. महेंद्र दळवी बहुमताने पुन्हा अलिबाग-मुरुड मतदार संघातून विजयी झाले. या निमित्ताने मंगळवार, (ता.३० सप्टेंबर) रोजी सायंकाळी ६ वाजता हेमनगर येथील छत्रपती शिवाजी महाराज स्मारक येथे तुळा सोहळा आयोजित करण्यात आला आहे. या समारंभासाठी शिवसेना नेत्या मानसीताई दळवी प्रमुख पाहुण्या म्हणून उपस्थित राहील्या, कामगार नेते दिपक रानवडे, शिवसेना उपजिल्हाप्रमुख शैलेश पाटील, शिवसेना जिल्हा संपर्कप्रमुख संजीवनी नाईक, युवक काँग्रेस जिल्हाध्यक्ष प्रथमेश पाटील, शिवसेना तालुकाप्रमुख अनंत गोंधळी, शिवसेना मुरुड तालुकाप्रमुख निलेश घाटवल, शिवसेना महिला तालुका प्रमुख भाग्यता पाटील, युवासेना अलिबाग तालुका प्रमुख संदेश थळे आदी मान्यवर उपस्थित होते. हा सोहळा शिवनेरी नवरात्र उत्सव मंडळ हेमनगर, नवीन वाघवीरा, तळेश्वरवाडी यांनी आयोजित केला आहे.