खोपोली (दिनकर भुजबळ): आज विजयादशमीच्या मंगलदिनी खोपोली शहरासाठी आणि रायगड जिल्ह्यासाठी अभिमानाची बातमी समोर आली आहे. साहित्यिक र. वा. दिघे यांची सुन तसेच ख्यातनाम लेखिका उज्वला दिघे यांच्या ‘नृत्यमोहिनी’ या कादंबरीचा समावेश शासनमान्य ग्रंथांच्या यादीत करण्यात आला आहे.
या गौरवामुळे खोपोलीसह संपूर्ण रायगडकरांच्या साहित्यविश्वात आनंदाची लाट उसळली आहे. विविध मान्यवरांनी साहित्यिक उज्वला दिघे यांचे अभिनंदन करत त्यांच्या साहित्यसेवेचे कौतुक केले आहे.
आमच्या प्रतिनिधींशी संवाद साधताना त्या म्हणाल्या, “हे यश केवळ आपल्यासर्वांच्या आशिर्वादाने आणि सहकार्याने शक्य झाले आहे. माझ्या मनात कृतज्ञतेची भावना असून मला अतिशय अभिमान आणि आनंद वाटतो आहे.”
