अलिबाग रायगड:उसर गेल इंडिया लि. कंपनीने प्रकल्पग्रस्त शेतकऱ्यांना नोकरी व रोजदांरीपासून वंचित ठेवल्याने संयुक्त प्रकल्पग्रस्त कामगार आंदोलन समितीचे अध्यक्ष निलेश गायकर यांनी कंपनी गेट समोर बुधवारी संयुक्त प्रकल्पग्रस्त कामगार आंदोलन समितीने साखळी उपोषणास प्रारंभ केला.
गेल इंडिया लि. कंपनीने शेतककऱ्यांची ४७५ एकर जमीन अत्यल्प दराने घेतली आहे. मात्र प्रकल्पग्रस्त शेतकऱ्यांना कायम स्वरूपी नोकरी नाहीच, परंतू ठेकेदार पद्धतीने सुध्दा रोजदांरी देण्यापासून स्थानिक प्रकल्पग्रस्तांना वंचित ठेवले आहे. मागील आंदोलनात १५० स्थानिक प्रकल्पग्रस्तांना रोजगार देण्याचा गेल इंडिया लि.कंपनी व्यवस्थापनाने आश्वासन दिले होते. परंतु त्यालाही केराची टोपली दाखविली असून प्रकल्पग्रस्ताला नोकरी व रोजंदारी दिली नाही.
मागण्याचा पुर्तर्तेसाठी न केल्याने प्रकल्पग्रस्त शेतकरी व स्थानिक ग्रामस्थ बेरोजगारीने संप्तत प्रतिक्रिया देत आहेत. त्यामुळे गेल इंडिया लि. उसर प्रकल्पग्रस्त व स्थानिक ग्रामस्थ २३ एप्रिल पासून गेल इंडिया लि. उसर गेट समोर साखळी उपोषण आंदोलन छेदणार असा इशारा निवेदनाव्दारे कंपनी व्यवस्थापनास देण्यात आला होता.
