अलिबाग (प्रतिनिधी) : माजी आमदार सुभाष उर्फ पंडितशेठ पाटील यांनी ग्रामविकास मंत्री मा. श्री. जयकुमार गोरे यांची सदिच्छा भेट घेतली. या भेटीदरम्यान विविध विकासकामांबाबत सविस्तर चर्चा करण्यात आली. स्थानिक पातळीवरील प्रलंबित प्रकल्प, ग्रामविकास विभागांतर्गत सुरू असलेल्या योजनांची अंमलबजावणी तसेच ग्रामीण भागातील मूलभूत सुविधांच्या उन्नतीसंबंधी मुद्द्यांवरही विचारविनिमय झाला.
मंत्री जयकुमार गोरे यांनी या सर्व विषयांकडे सकारात्मक दृष्टीकोनातून पाहत आवश्यक ती कार्यवाही करण्याचे आश्वासन दिले. या भेटीत पाटील यांनी आपल्या मतदारसंघातील विकासासाठी अधिक सहकार्याची अपेक्षा व्यक्त केली. भेट स्नेहपूर्ण आणि फलदायी वातावरणात पार पडली.
