खोपोली (दिनकर भुजबळ): खोपोली (दि.०८ ऑक्टोबर) — ‘नागरी सामाजिक विकास संस्था’ तर्फे नवरात्री आणि कोजागिरी पौर्णिमेच्या निमित्ताने महिलांसाठी “महिला स्नेहसंमेलन व महाभोंडला उत्सव” हा उपक्रम रंगतदार वातावरणात पार पडला.
या प्रसंगी खोपोली पोलिस ठाण्यातील पी.एस.आय. पूजा चव्हाण आणि डॉ. बाबासाहेब आंबेडकर रुग्णालयाच्या मुख्य वैद्यकीय अधिकारी डॉ. संगीता वानखेडे यांचा संस्थेच्या अध्यक्षा सौ. वर्षा राजेश मोरे यांच्या हस्ते सन्मान करण्यात आला.
समाजसेवा, शिस्त आणि समर्पित कार्यातून प्रेरणादायी ठरलेल्या या लोकसेविकांनी महिलांना आरोग्य, आत्मविश्वास व शासकीय संधींविषयी मार्गदर्शन केले.
कार्यक्रमात संस्थेच्या पदाधिकाऱ्यांचा पदवाटप सोहळा पार पडला. सौ. शारदा दळवी, परवीन शेख, ज्योती भुजबळ, नंदिनी पालांडे, अनुराधा चौरे, योगिता खेडेकर, रिझवाना जमादार या महिलांना जबाबदाऱ्या देण्यात आल्या.
कोजागिरीनिमित्त पारंपरिक भोंडला, खेळ व सांस्कृतिक कार्यक्रमांनी उत्सवाला रंग चढवला. इनरव्हिल क्लबसह विविध सामाजिक संस्थांच्या महिलांनी सहभाग घेतला.
कार्यक्रमाचे प्रास्ताविक व सूत्रसंचालन सौ. ज्योती भुजबळ यांनी केले, तर आभार प्रदर्शन सौ. सुप्रिया देशमुख यांनी मानले. हा सोहळा खोपोली नगरपरिषदेच्या मोगलवाडी येथील कृत्रिम तलाव सभागृहात संस्थापक अध्यक्षा सौ. वर्षा राजेश मोरे यांच्या मार्गदर्शनाखाली यशस्वीरीत्या पार पडला.
