आरक्षणासाठी समाविष्ट गणांमध्ये वैजाळी, शहापूर, आंबेपूर, रुईशेत-भोमोली, आवास, किहीम, थळ, वरसोली, चेंढरे, आक्षी, रेवदंडा, चौल, काविर आणि रामराज या गणांचा समावेश आहे. तहसिलदार श्री. पाटील यांनी सर्व राजकीय पक्षांचे नेते, कार्यकर्ते आणि नागरिकांनी या सभेला उपस्थित राहावे, असे आवाहन केले आहे.
दरम्यान, जिल्हा परिषद व पंचायत समितीच्या सार्वत्रिक निवडणुकांसाठी निर्वाचक गणनिहाय प्रारूप मतदार याद्या तयार करण्याची प्रक्रिया सुरू झाली आहे. ही प्रक्रिया 8 ऑक्टोबर 2025 पासून सुरू झाली असून 14 ऑक्टोबर 2025 पर्यंत नागरिकांकडून प्रारूप मतदार याद्यांवर हरकती आणि सूचना स्वीकारल्या जातील.
यानंतर 27 ऑक्टोबर 2025 रोजी अंतिम आणि प्रमाणीकरण झालेल्या मतदार याद्या तसेच मतदार केंद्रनिहाय याद्या जाहीर केल्या जाणार आहेत. या याद्या https://raigad.gov.in या संकेतस्थळावर तसेच अलिबाग तहसिल कार्यालयात उपलब्ध करून देण्यात आल्या आहेत.
तहसिलदार श्री. विक्रम पाटील यांनी नागरिकांना आवाहन केले आहे की, त्यांनी प्रारूप मतदार याद्या तपासाव्यात आणि काही हरकती अथवा सूचना असल्यास त्या वेळेत तहसिल कार्यालयाशी संपर्क साधावा.
