३० वर्षीय तक्रारदाराविरोधात पॉस्को कायद्यान्वये गुन्हा दाखल करण्याची तक्रार प्राप्त झाल्यानंतर वाघाटे यांनी मदत करण्यासाठी आणि गुन्हा नोंदवला जाणार नाही यासाठी ५ लाख रुपयांची लाच मागितली. तक्रारदाराने ही बाब लाचलुचपत प्रतिबंधक विभागाकडे ८ ऑक्टोबर रोजी कळवली. ९ ऑक्टोबरला पडताळणीदरम्यान वाघाटे यांनी पहिल्या हप्त्यात ३ लाख रुपये स्वीकारण्यासही मान्यता दिली होती.
यानंतर विभागाने सापळा रचला आणि १० ऑक्टोबरच्या सकाळी विशाल वाघाटे यांना ३ लाखांची लाच स्वीकारताना रंगेहात पकडले. या प्रकरणी महाड शहर पोलिस ठाण्यात गुन्हा दाखल करण्याची प्रक्रिया सुरू असल्याची माहिती रायगड लाचलुचपत विभागाच्या उपअधीक्षक सरिता भोसले यांनी दिली.
या कारवाईत पोलीस निरीक्षक निशांत धनवडे, नारायण सरोदे, सहाय्यक फौजदार विनोद जाधव, अरुण करकरे, सुषमा राऊळ, पोलीस हवालदार महेश पाटील, सुमित पाटील, परम ठाकूर, सिचन आटपाडकर, मोनाली पाटील, अनंत घरत आणि सागर पाटील यांनी महत्वपूर्ण भूमिका बजावली.
दरम्यान, रायगड जिल्ह्यातील शासकीय कार्यालयात अधिकारी किंवा कर्मचारी लाच मागत असल्यास नागरिकांनी तात्काळ लाचलुचपत प्रतिबंधक विभागाशी ०२१४१-२२२३३ या क्रमांकावर संपर्क साधावा, असे आवाहन उपअधीक्षक सरिता भोसले यांनी केले आहे.
